Qasymhan SENǦAZYEV, Astana qalasy Bılım basqarmasynyŋ basşysy: ŪBT QORYTYNDYSYNA KÖŊIL TOLADY

2-6 mausym aralyǧynda elordada Ūlttyq bıryŋǧai testıleu öttı. Bas qaladaǧy mektep tülekterı būl synaqtan qalai ötkendıgı jönınde, jalpy elorda boiynşa ŪBT qorytyndylary turaly bızge Astana qalasy Bılım basqarmasynyŋ basşysy Qasymhan Senǧazyev aityp berdı.

– Biylǧy Ūlttyq bıryŋǧai testıleuge qanşa mektep bı­tıruşı qatysty? Ol neşe jerde öttı? ŪBT-nyŋ qorytyn­dysyna köŋılıŋız toldy ma?
– Osy jyly testıleuge 4695 tülektıŋ 3785-ı qatysty. Būl – mektep bıtıruşılerdıŋ 80,6 paiyzy. Al 18,9 paiyzy, iaǧni 887 şäkırt dästürlı emtihan tapsyrdy. Atap aitsaq, 262-ı – halyqaralyq olimpiada men ǧylymi joba baiqauynyŋ je­ŋımpazdary, 625-ı – jaqyn jäne alys şeteldegı joǧary oqu oryn­daryna tüsetın tülekter. Densaulyǧyna bailanysty 23 oquşy qorytyndy attestasiiadan bosatyldy.
ŪBT biyl L.Gumilev atyn­daǧy Euraziia ūlttyq univer­sitetınde, S.Seifullin atyn­daǧy Qazaq agrotehnikalyq universitetınde jäne Qazaq
mem­lekettık zaŋ universitetınde ūiymdastyryldy. Testıleu sättı, ūiymdasqan jaǧdaida öttı. Tülekterdıŋ alǧan ortaşa baly 89,2 boldy. Būl byltyrǧy jylmen salystyrǧanda 2,6 balǧa artyq.
– Eŋ joǧary ball alǧan tülekterdıŋ atyn atap ötseŋız.
– Biyl Astanada 125 baldy bır oquşy ǧana – №72 mektep-liseidıŋ tülegı Nūrasyl Erjanov aldy. Al jalpy alǧanda 1460 mektep bıtıruşı baldaryn 100-den asyrdy. «Altyn belgıge» ümıtker 187 tülektıŋ 127-sı nemese 67,9 paiyzy bılımın rastady. Būl naqty qorytyndy emes. Bır ball jetpei qalyp, apelliasiiaǧa bergen 10 oquşynyŋ test jūmystary respublikalyq apelliasiialyq komissiianyŋ qarauynda jatyr. Būl komissiia qaraǧan soŋ, bılımın rastaǧan oquşylardyŋ sany artuy mümkın.
– Şektı ball deŋgeiınen asa almaǧan oquşylar qan­şalyqty köp boldy?
– Ūlttyq bıryŋǧai testıleu tapsyrǧandardyŋ barlyǧyn alǧanda 5-aq paiyzy ǧana, iaǧni 150 oquşy. Olarǧa tamyz aiyn­da testıleudı qaita tapsyruǧa mümkındık berılgen.
– Tülekterge attestat tapsyru räsımı qai künı ötpek?
– Attestat 17 mausym künı tapsyrylady. Būl şara Astana äkımdıgı aldyndaǧy alaŋda ötedı. Ärine, mektep bıtıru keşterı de ädettegıdei ūiymdastyrylady.
– Basqarma basşysy retınde tülekterge biyl bırınşı ret aq jol tılemeksız. Gazetımız arqyly olarǧa ne aitqyŋyz keledı?
– Barlyq mektep bıtıruşı osy ömırden öz joldaryn tapsa eken. Ärine, ärqaisysynda būl jol är türlı bolady. Eŋ bastysy, qalaǧan oqu oryndaryna tüsıp, armandaǧan mamandyqty alsa eken deimın. Sosyn alǧan bılımderın el igılıgıne jūmsap, Otannyŋ, bas qalamyzdyŋ patrioty bolyp qala berse degen tılegım bar.

Amanǧali QALJANOV