Adam ömırge kelgen soŋ onyŋ bolaşaq taǧdyry, ömır jolynyŋ soqpaǧy qalai bolatynyn baǧdarlai almaityndyqtan, türlı jaǧdailarǧa tap bolyp jatady. Tūmanmen tūmşalanǧan ötken ömırı turaly osy maqalada psihologiialyq keŋeske jügınuşı Sara jaily baiandalady.
Ömırdıŋ qily şyrǧalaŋyna tüsken Sara ata-anadan 3 qyz, 1 ūl. Jastaiynan 4 bala anasyz jetım qalady. Balalyq şaqtary baqytty boldy dep aituǧa müldem kelmeidı. Anasynyŋ jyly ötpei jatyp äkesı üilenedı. Ögei ana qataldyǧymen, qatygezdıgınıŋ salǧan jan jaralary eseise de jazylmaǧan. Densaulyǧyna atüstı qaraǧandyqtan, ökpesıne suyq tiıp auruhana tösegıne taŋylǧan jetkınşek, bolaşaqtan ümıtın üzedı. Orta bılımmen qalyp qoiǧan Sara 2000 jyldarda Oŋtüstık öŋırınıŋ bır meşıtınde dıni sauat aşady. Sol jyldyŋ säuır aiynda meşıtte därıs alyp jürgen jıgıtpen tanysyp şaŋyraq köteredı. Ömırge 1 ūl, 2 qyz alyp keledı.
Joldasy uaqyt öte kele jat aǧymnyŋ qūryǧyna tüsıp, kürt özgere bastaidy. Ūstanymy özgergen joldasy Saraǧa türlı tyiymdar salyp, odan basqa da ūlttyq, dästürlı qūndylyqtarǧa da şekteuler qoia bastaidy. Jaqyn tuystarymen, bauyrlarymen de qarym-qatynasyna qoiylǧan şekteulerden aralarynda salqyndyq paida bolady. Otbasylyq ömırden aita alatyn estelıkterı arazdasu, renjısu, tüsınıspeuşılıktermen oryn alǧanyn alǧa tartady. Qol köteru, kemsıtu, äiel retınde baǧalamaudyŋ soŋy tıptı közıne şöp salumen aiaqtalǧan. Osy jaǧdaiǧa da könıp, otbasylyq ömırın balalary üşın şydap jalǧastyra bergen Sara, bırneşe jyldan soŋ joldasymen bır şaŋyraq astynda tūra almaitynyn tüsınıp ajyrasuǧa bel buǧan. Ajyrasudan keiın äke balalarynyŋ ömırı üşın jauapsyz ekenın aiqyndap berdı. Qandai da bır kömek körsetuden bas tartady.
Ajyrasudyŋ saldary Saraǧa öte auyr bolǧany sonşalyq, ölım turaly jiı oilai bastaǧan, bıraq oŋaltu ortalyǧyna kelıp keŋes alu arqyly oiynyŋ özgergenın, balalary üşın ömır süru kerek ekenın tüsınıp, ärqaşan alǧa ūmtylatynyn aityp, öz oiymen bölıstı. Otan ot basynan bastalatynyn eskersek, jalǧan dıni ideialardy ūstanuşylardyŋ beiädep äreketterı elımızdıŋ bolaşaǧyna kerı äserın tigızuı mümkın. Sondyqtan memlekettık, otbasylyq, ūlttyq qūndylyqtardy basymdyq retınde qarastyruymyz qajet. Äŋgıme soŋynda Saranyŋ jas balaşa qimastyqpen qapsyra qūşaqtap ūzaq tūrǧany, adamdardan älı de bolsa jylulyq pen meiırımdılık aŋsaitynyn baiqatady.
(Keiıpkerlerdıŋ aty özgertılgen)
Nūrgül RÜSTEM
