Astana äkımı Äset İsekeşev keşe Saraişyq köşesındegı qūrylys qarqynymen tanysty. Būl köşenıŋ ūzyndyǧy 3 şaqyrymdy qūraidy, jol tösenışı 8 jolaqtan tūrady.
Ş.Beisekova köşesınen Tūran daŋǧylyna deiıngı uchaskede salynyp jatqan Saraişyq köşesınıŋ qūrylysy ışkı magistraldyq kölık aǧyndaryn jeŋıldetudı közdeidı. Eŋ aldymen, ol Tūran daŋǧylyndaǧy kölık qozǧalysyn 50 paiyzǧa deiın qysqartuǧa mümkındık beredı. Qala basşysy būl köşedegı qozǧalysty biylǧy 1 şıldede aşudy tapsyrdy. Ol, sondai-aq, Beisekova köşesınen Kümısbekov köşesıne deiıngı Jangeldin köşesı qūrylysynyŋ uchaskesın de tekserdı. Qalalyq Kölık jäne jol-kölık infraqūrylymyn damytu basqarmasynyŋ jetekşısı Ashat Qaraǧoişin merdıger ūiymnyŋ şarttaǧy mındettemelerın oryndamauy saldarynan qūrylys jūmystary sozylyp ketkenın mälımdedı.
Äset İsekeşev nysandy aralap körıp, şartty būzyp, merdıger ūiymdy sotqa berudı tapsyrdy. «Bız ünemı Astana tūrǧyndar üşın eŋ jaily qalaǧa ainalady deimız. Osy jailylyq jol saluşylardyŋ jūmysyna bailanysty. Būl qūrylysty ekınşı jyl aiaqtai almai kelesıŋder. Audanda 15 myŋ adam tūrady. Kımde-kım öz mındetın atqara almasa, Astanada jūmys ıstemeidı. Mūndai merdıgerlermen şartty būzamyz. Şara qoldanyŋdar!» dedı äkım. Sonymen qatar, qala basşysyna Qarasaz, Obaǧan, Arǧanaty köşelerındegı qūrylystyŋ merzımı keşıktırılgenı jönınde baiandaldy. Äkım merdıgerlerge 2018 jyldyŋ soŋyna deiın Belarus jäne Özbekstan elşılıkterı ornalasqan köşelerdegı qozǧalysty aşudy tapsyrdy.
