Qazaqstan Prezidentı AÖSŞK Syrtqy ıster ministrlerı keŋesınıŋ otyrysyna qatysyp jatqan delegasiia basşylarymen kezdestı. Qasym-Jomart Toqaev AÖSŞK Syrtqy ıster ministrlerınıŋ 6-keŋesınıŋ jūmysyna qatysyp otyrǧan delegasiia basşylarymen kezdesu ötkızdı. Jiynǧa Bahrein, Belarus, Ündıstan, Qatar, Qyrǧyzstan, Moŋǧoliia, Resei, Özbekstan, Türıkmenstan elderınıŋ Syrtqy ıster ministrlerı, İzraildıŋ Turizm ministrı, sondai-aq 5 halyqaralyq ūiym men 15 memlekettıŋ diplomatiialyq missiiasynyŋ basşylary qatysty.
Memleket basşysy Täuelsızdıktıŋ alǧaşqy jyldarynda Aziiadaǧy özara ıs-qimyl jäne senım şaralary jönındegı keŋes ötkızuge Qazaqstannyŋ bastamaşy bolǧanyn jäne Keŋestıŋ geografiialyq aiasy men kün tärtıbınıŋ auqymy keŋeigen qūrlyqtyq platformaǧa ainalǧanyn atap öttı. Prezidenttıŋ pıkırınşe, qazırgı taŋda beibıtşılıktı qoldau, yntymaqtastyq ornatu jäne damu müddesı tūrǧysynan Aziia elderınıŋ ūjymdyq küş-jıgerı men danalyǧyn üilestıru üşın Keŋestıŋ äleuetı zor.
Qasym-Jomart Toqaev AÖSŞK-ke müşe memleketterdıŋ bärıne jäne Keŋes hatşylyǧyna Qazaqstannyŋ töraǧalyǧy aiasynda jasalǧan özara tabysty ıs-qimyldary üşın rizaşylyǧyn bıldırdı. – Özderıŋızge mälım, bız AÖSŞK-tı tolyqqandy halyqaralyq ūiymǧa ainaldyrudyŋ strategiialyq maqsattaryna negızdelgen bırqatar maŋyzdy basymdyqtardy aiqyndadyq. Keŋestıŋ halyqaralyq ūiymǧa qajettı barlyq elementterı, atap aitqanda, negızgı qūjattary, basqaruşy jäne jūmys organdary, operativtık biudjetı men tūraqty hatşylyǧy bar. Ūsynylyp otyrǧan transformasiia Aziianyŋ jahandyq ısterdı retteudegı jaŋa rölın aiqyn körsetedı. Būl qadam Keŋeske müşe memleketterdıŋ ırı qūrlyqtaǧy ortaq, bıryŋǧai jäne tūtas qauıpsızdıktıŋ arhitekturasyn qalyptastyruǧa beiıldı ekenın naqtylaidy, – dedı Qazaqstan Prezidentı.
Q.Toqaev Keŋeske müşe elderge kelesı bastamalardy qoldaudy ūsyndy.
– Bırınşıden, Ǧūlamalar keŋesınıŋ basşysy lauazymyna AÖSŞK-tıŋ negızın qalauşy, Qazaqstannyŋ Tūŋǧyş Prezidentı Nūrsūltan Nazarbaevtyŋ kandidaturasyn ūsynu – men üşın ülken märtebe. Ekınşıden, 2022-2024 jyldary AÖSŞK töraǧalyǧyna Qazaqstandy ūsynamyn. Elımızdıŋ kandidaturasy maqūldanǧan jaǧdaida Keŋestıŋ igı missiiasyn oryndau üşın ūjymdyq küş-jıgerdı nyǧaitu jolynda jaŋa mandatty paidalanuǧa mındetteme alamyz, – dedı Memleket basşysy.
Prezident öz sözınde qūbylmaly strategiialyq jaǧdaida Aziia qūrlyǧy geosaiasi kürestıŋ basty alaŋyna ainalyp otyrǧanyn aitty. – Bıryŋǧai jäne syndarly täsıl ūsynyp, özımızge zor jauapkerşılık pen mındet jüktegen jaǧdaida Aziia XXI ǧasyrdyŋ köşbasşysy bolatynyna senımdımın. Būl rette, AÖSŞK Aziiadaǧy qauıpsızdıktıŋ, yntymaqtastyq pen ortaq örkendeudıŋ nysanyn qalyptastyra alatyn bıryŋǧai forumǧa ainalady degen ümıttemız, – dedı Qasym-Jomart Toqaev.
Qazaqstan Prezidentı aldaǧy jyldary AÖSŞK män beruge tiıstı bırqatar özektı mındetterdı atap öttı. Qasym-Jomart Toqaevtyŋ aituynşa, Keŋestıŋ negızgı mındetı özara senımdı küşeituge jäne janjaldardyŋ aldyn aluǧa baǧyttalǧan. Prezident senımdı küşeitu şaralarynyŋ jaŋartylǧan Katalogyn äzırleu jönındegı jūmystyŋ sättı oryndalǧanyn atap öttı. Būl qūjat epidemiologiialyq qauıpsızdık, qoǧamdyq densaulyq jäne farmasevtika, aqparattyq tehnologiialar, terrorizmmen küres syndy yntymaqtastyqtyŋ jaŋa salalaryn qamtidy.
Memleket basşysy Auǧanstandaǧy jäne oǧan qatysty qazırgı qalyptasqan jaǧdaidy ekınşı özektı mäsele retınde atap öttı. – Ortalyq Aziianyŋ bes memleketı Auǧanstannyŋ qalypty jaǧdaiǧa oraluyna asa müddelı. Qazaqstannyŋ ūstanymy aiqyn. Bızge Aziiadaǧy Ülken oiyn emes, Ülken paida qajet, – dedı Prezident. Memleket basşysynyŋ aituynşa, sozylmaly pandemiia jaǧdaiynda vaksinalardyŋ barynşa qoljetımdı boluyn qamtamasyz etu qajet. Sondai-aq Qazaqstan QazVac vaksinasy arqyly jalpyǧa ortaq densaulyq saqtau jüiesıne qomaqty üles qosuǧa niettı ekenın aitty. Memleket basşysy Keŋestegı ärıptesterın epidemiologiialyq qauıpsızdık jönındegı jaŋa senım şaralary aiasynda ūjymdyq küş-jıgerdı jandandyruǧa şaqyrdy.
Qasym-Jomart Toqaev pandemiia Aziianyŋ älemdegı ornyn bekemdep aluyna jaŋa mümkındıkter beretın syndarly sät boluy da mümkın ekenın aitty. – Qazırdıŋ özınde bızdıŋ aimaq ǧalamdyq tartylys küşıne ainaldy. Mūnda älem halqynyŋ 60 paiyzy, tūtynuşylyq qabıletı bar ölşemmen alǧanda, älemdık IJÖ 40 paiyzy osynda şoǧyrlanǧan. Osy qūrlyqta öte quatty Euraziialyq ekonomikalyq odaq, Oŋtüstık Şyǧys Aziia elderınıŋ qauymdastyǧy, Aziia-Tynyq mūhity ekonomikalyq yntymaqtastyǧy jäne jan-jaqty aimaqtyq ekonomikalyq ärıptestık ūiymdary jūmys ısteidı. Aziiadaǧy özara ıs-qimyl jäne senım şaralary jönındegı keŋeske müşe elder ekonomikasynyŋ ornyqtylyǧyn nyǧaitu üşın joǧaryda atalǧan ūiymdarmen yntymaqtastyq mäselesıne erekşe köŋıl bölgen jön dep oilaimyn, – dedı Prezident.
Qasym-Jomart Toqaev kelesı jyly Qazaqstanda ötetın AÖSŞK-tıŋ 6-sammitınıŋ maŋyzdylyǧyna erekşe män berdı. Prezidenttıŋ aituynşa, sammit «Jaŋa älemdegı jaŋa Aziia» baǧdaryn aiqyndauǧa arnalǧan. Memleket basşysy atalǧan ıs-şaraǧa zor män beretının atap ötıp, Keŋeske müşe elderdıŋ basşylaryn onyŋ jūmysyna belsendı atsalysuǧa şaqyrdy.
