Erteŋ – kölık qyzmetkerlerı künı. Säuletı men däuletı örkendei tüsken elordamyzda kölık salasynyŋ alar orny airyqşa. Bügıngı taŋda Astanada kölık keşenın damytuda bırqatar ırgelı jobalar jüzege asyryluda.
Jaqynda «Alai – Astra» jäne «KeŋMart – Astra» dep atalǧan qala ırgesınde tūratyn jolauşylarǧa qyzmet körsetetın ekı avtobeket aşyldy. Būl bır jaǧynan ülken köşeler jelısıne tüsetın jüktemenı jäne «Astana» temır jol vokzaly men «Saparjai» avtobeketı maŋyndaǧy keptelıstı azaitady.
Biyl qoǧamdyq kölık jüretın «Bus Lane» jolaǧynyŋ 12 uchaskesı qosyldy. Qaladaǧy onyŋ jalpy sany – 24, al ūzyndyǧy 79 km qūraidy. Jaŋartylǧan qoǧamdyq kölıkterdıŋ qatary köbeidı. Qosymşa ekspress marşruttary men tüngı mezgılde jüretın baǧdarlar qosyldy. Elektrondyq jolaqy jüiesı engızıldı. Qazırgı künde 27 jabyq jyly aialdama ornatylǧan. Köptı alaŋdatyp jürgen taǧy bır tyŋ mäsele bar edı. Ol – avtotūraqtardyŋ jaǧdaiy. Qazır būl da jolǧa qoiylyp keledı.
Aqyly avtotūraqtardy engızu bastaldy. Atalǧan joba älemdık täjıribege süienıp qolǧa alyndy. Taksi qyzmetınde bırqatar jaŋalyqtar jeterlık. Aita berse, atqarylyp jatqan şarua köp. Sonyŋ barlyǧy Astananyŋ kölık keşenın ılgerletuge baǧyttalǧan maŋyzdy jobalar dep aitamyz.
Keşe qalalyq Jolauşylar kölıgı basqarmasynyŋ basşysy Bekmyrza İgenberdinov aituly käsıbi merekege orai osy salada jemıstı eŋbek etıp jürgen bır top qyzmetkerdı marapattady.
Jiyn barysynda basqarma basşysy Bekmyrza İgenberdinov sala boiynşa atqarylyp jatqan jūmystarǧa qysqaşa toqtalyp, jinalǧandardy käsıbi merekelerımen qūttyqtady.
«Kölık salasynyŋ qyzmetkerlerınıŋ eŋbegı eren.
Olardyŋ bärı – halyqtyŋ köz aldynda. Jolauşylarǧa sapaly qyzmet körsetu – bızdıŋ basty maqsatymyz. Osy baǧytta älı talai bırlesıp jūmys ısteimız. Käsıbi merekelerıŋız qūtty bolsyn» dep bır top azamatqa «Üzdık avtokölıkşı» belgısın tapsyrdy. Marapatqa ie bolǧandar qatarynda «№1 avtobus parkı» AQ-nyŋ bas injenerı Däuletbek Nazymbekūly, kolonna bastyǧy Erjan İbraev, Jolauşylar kölıgı basqarmasynyŋ bölım basşylary Tūrsynǧali Jäkenov, Bauyrjan Taibergenov sekıldı azamattar bar.
Sondai-aq, «№2 Avtobus parkı» JŞS-nıŋ injenerı Aleksandra Şevchenko men öndırıstık-tehnikalyq bölımınıŋ basşysy Valentina Karkarinaǧa «Qūrmettı avtokölıkşı» belgısın aldy.
– Men №2 avtobus parkınde 40 jyldan berı jūmys ısteimın. Barlyq ǧūmyrymdy arnadym desem de bolady. Öz ūjymymdy sondai jaqsy köremın. Bır otbasynyŋ müşesındei eŋbek etıp kelemız. Ärine, eptep tolqyp tūrmyn. Osyndai qūrmetke talai ärıptesterım laiyq. Olardyŋ da eŋbegı jansa dep oilaimyn. Qūrmettep, qadırlep jatqan azamattarǧa alǧysymdy bıldıremın, – deidı keudesınde «Qūrmettı avtokölıkşı» belgısı jarqyraǧan Aleksandra Şevchenko degen apaiymyz.
Şara soŋynda kölık qyzmetkerlerı arasyndaǧy biliardtan ötken jarysta jeŋımpaz atanǧan mekemelerge arnaiy jüldeler tabystaldy.
Azamat ESENJOL
