«EKSPO-2017» halyqaralyq mamandandyrylǧan körmesınıŋ aiasynda Astanada 3 myŋ mädeni-oiyn-sauyq şarasy ötedı. Qazaqstandyq jäne şeteldık belgılı öner ūjymdary men jeke oryndauşylar üş ai boiy elordany dumanǧa böleidı. Atalǧan uaqyt aralyǧynda sporttyq şaralar da ūiymdastyrylady. Mäselen, QR Mädeniet jäne sport ministrlıgı körme şeŋberınde 18 auqymdy şara ötkızudı josparlap otyr.
Erteŋ «Qazanat» atşabarynda at sporty türlerınen Qazaqstan Prezidentı Nūrsūltan Nazarbaevtyŋ jüldesıne «EKSPO-2017» kubogy ötedı. Bıraz şeteldık qonaqtyŋ körmenı köruge keletının eskersek, būl bäigenıŋ salmaǧy da artady.
Tūlparlar saiysy alaman bäige – 25 şaqyrym, top bäige – 15 şaqyrym, jorǧa jarys – 7 şaqyrym, qūnan bäige – 7 şaqyrym, 2400 jäne 1800 metrge şabatyn ūşqyr attar jarysy boiynşa ötedı. Besınşı oryn alǧandarǧa deiın jülde berıledı. Bäigege barlyǧy 130-dan astam jüirık tırkeldı. Oǧan elımızdıŋ barlyq aimaǧynan şabandozdar qatysady. Sondai-aq, Resei, Qyrǧyzstan, Täjıkstan, Türkiia, Bolgariia syndy memleketterden kelgen qatysuşylar bar.
Qazaqtyŋ muzykasyna da şeteldıkterdıŋ qūlaq qūryşy qanatyny sözsız. Äsırese, bügın-erteŋ «Astana Balet» teatrynda ötetın N.Tılendiev atyndaǧy «Otyrar sazy» akademiialyq folklorlyq-etnografiialyq orkestrınıŋ konsertı jūrtty tamsandyrady dep oilaimyz.
«Otyrar sazy» orkestrınıŋ qūrylǧanyna 40 jylǧa juyqtap qaldy. Būl basynda şaǧyn ansambl bolǧan öner ūjymyn biıkke asa körnektı kompozitor, dirijer, dombyraşy Nūrǧisa Tılendiev köterıp kettı. Sol sebepten de orkestrge muzyka maitalmanynyŋ aty berıldı. Qazırgı taŋda ataqty tūlǧanyŋ qyzy Dınzuhra Tılendieva orkestrdıŋ körkemdık jetekşısı ärı bas dirijerı bolyp otyrǧanyn jūrtşylyq bıledı. Sondai-aq, osy ūjym şıldenıŋ aiaǧynda tört kün boiy körme aumaǧynda konsert qoiady.
Şılde aiynyŋ orta kezınde halyq qazaqtyŋ tūŋǧyş käsıbi muzykalyq ūjymy – Qūrmanǧazy atyndaǧy Qazaq memlekettık akademiialyq ūlttyq aspaptar orkestrınıŋ konsertın de köre alady. Būl ūjymdy akademik Ahmet Jūbanov ötken ǧasyrdyŋ otyzynşy jyldary qūrdy. Tarihy seksen jyldan asatyn orkestrdıŋ repertuarynda san aluan şyǧarma bar.
Önerımen älemdı moiyndatqan tūlǧalar da halyqaralyq körme uaqytysynda Astanada konsert beredı. Atap aitsaq, ataqty skripkaşy Marat Bisenǧaliev bastaǧan simfoniialyq orkestr «Dybys energiiasy» atty şou konserttı ūsynady.
Al Qytaidyŋ «Men änşımın» jobasyna qatysyp, dünienı dür sılkındırgen, Aziianyŋ üzdık änşısı atanǧan Dimaş Qūdaibergennıŋ 27 mausymda «Astana Arena» stadionynda ötetın konsertıne qazırdıŋ özınde jūrttyŋ qyzyǧuşylyǧy ülken.
Būlardan özge, Qazaqstandaǧy üzdık muzykalyq bılım beru oryndary – Qazaq ūlttyq öner universitetı men Qūrmanǧazy atyndaǧy Qazaq ūlttyq konservatoriiasy ūjymdary da «EKSPO» aiasynda konsert beredı. Sondai-aq, osy jazda Astanada Qazaqstannyŋ halyq ärtısı, änşı, kompozitor Altynbek Qorazbaevtyŋ, küişı-kompozitor Seken Tūrysbektıŋ, «MuzArt» tobynyŋ jäne özge de bırneşe tanymal änşı men toptardyŋ konsertı ūiymdastyrylady. Jyl saiyn ötetın dästürlı «Astana Arqau», «Serper» syndy festivalder kezektı märte şymyldyǧyn türedı. Bır sözben aitqanda, «EKSPO» kezınde Astanada qūlaqtan kırıp, boidy alar äsem än men tättı küi molynan tögıledı.
Amanǧali QALJANOV
