1 nauryz – Alǧys aitu künı. Mereilı merekege orai elordada köptegen ıs-şaralar ötıp jatyr. Solardyŋ bırı – Astana qalasy Qazaqstan halqy Assambleiasy müşelerınıŋ «Şarapat» äleumettık qyzmet körsetu ortalyǧynda ötkızgen qaiyrymdylyq şarasy. Halyqtyŋ äleumettık tūrǧydan älsız tobyna köŋıl bölgen şara barysynda qala tūrǧyndaryna merekelık konsert ūsynylyp, türlı taǧamdardan tūratyn dastarqan jaiyldy.
Merekelık ıs-şaralardyŋ auqymy keŋ. 1 nauryzǧa deiın «Altyn jürek» än chellendjı, «Alǧysyŋmen jaqynda» alǧys aitu sabaǧy, «Rahmet saǧan, elordam» atty oquşylardyŋ tılegı, «Qazaqstan – meiırım mekenı» taqyryptyq ekspozisiia, «Alǧys sandyǧy» elorda tūrǧyndaryna alǧys bıldıru ıs-şarasy, «Alǧysqa bölenu» adam ömırın qūtqarǧan batyr balalarǧa alǧys aitu aksiialary josparlanyp otyr. Qala mektepterınde «Alǧys batasy» atty qart adamdarǧa kömektesu ıs-şarasy, sol siiaqty äleumettık jelıler arqyly «Araily atamekenım» chellendjı, «Tarih ǧibraty – arhiv qūjattarynda» degen taqyryppen fotoqūjat körmesı ūiymdastyrylady.
Būl künı Mahambet Ötemısūly atyndaǧy Okuşylar saraiynda «Dosyma menıŋ myŋ alǧys» merekelık qūttyqtau, «Qazaq halqyna myŋ alǧys» onlain-kvestı, «Anam men äkeme alǧys» suret jäne foto körmesı, «Qazaqstan – meiırımdılık mekenı», nemıs etnolingvistika ortalyǧynyŋ qoldanbaly şyǧarmaşylyq boiynşa şeberlık synyby bolady.
Mädeniet mekemelerı būl künı qoiylymdaryn daiyndap otyr. Mäselen, Quyrşaq teatry erekşe balalarǧa arnalǧan «Elvin jäne jūmbaq ormannyŋ tūrǧyndary» spektaklın qoisa, «Jastar» teatrynda «Demeu» ortalyǧynyŋ mümkındıgı şekteulı jäne zeinetkerlerge arnalǧan «Joly bolǧyş jıgıt» qoiylymy ötedı. Merekenıŋ qūrmetıne jedel järdem stansiiasynyŋ qyzmetkerlerıne, sondai-aq kommunaldyq qyzmet mamandaryna alǧys bıldırıp, ystyq şai men bauyrsaq, ystyq tamaq taratylady. Dostyq üiınde Qazaqstan halqy assambleiasy müşelerınıŋ qatysuymen Alǧys aitu künıne arnalǧan döŋgelek üstel otyrysy, sol siiaqty mūqtaj balalardyŋ emıne arnalǧan qaiyrymdylyqtan jinalǧan qarajatty saltanatty türde tapsyru räsımı ötedı. 1 nauryz künı Qazaqstan halqy assambleiasy müşelerı «Qazaq elıne myŋ alǧys» monumentıne gül şoǧyn qoiady.
