QAZAQ-KOREI DOSTYQ BAǦY
Esıldıŋ sol jaǧalauyndaǧy «Arai» saiabaǧy aumaǧynan Qazaqstan men Koreia dostyq baǧy aşyldy. Oǧan Astana äkımı Äset İsekeşev, Oŋtüstık Koreianyŋ Qazaqstandaǧy Tötenşe jäne Ökılettı Elşısı Kim De Sik jäne QR Auyl şaruaşylyǧy vise-ministrı Erlan Nysanbaev qatysty.
Saltanatty şarada elorda basşysy ekı eldıŋ dostyǧy men ärıptestık qarym-qatynasyna toqtaldy.
– «Baqşa – bereke bastauy» deidı halqymyz. Bügıngı aşylǧaly otyrǧan dostyq baǧy Elbasynyŋ osydan üş jyl būryn Koreiaǧa sapary barysynda qol jetkızgen ärıptestık jobasy. Memleket basşysy elordany jasyl qalaǧa ainaldyrudy ünemı aitady. Jaŋa saiabaq soǧan baǧyttalǧan. Qazaqstan men Koreianyŋ barlyq salada serıktestıgı joǧary. Koreia EKSPO-2017 halyqaralyq mamandandyrylǧan körmesıne belsendı qatysty. Saiyp kelgende, Astananyŋ törınde aşylǧan bıregei oryn ekı el dostyǧynyŋ jarqyn belgısın körsetedı. Barşaŋyzdy aituly şaramen qūttyqtaimyn, – dedı Äset İsekeşev.
Odan keiın QR Auyl şaruaşylyǧy vise-ministrı Erlan Nysanbaev dostyq baǧyna ızgı tılegın bıldırdı. Oŋtüstık Koreianyŋ Qazaqstandaǧy Tötenşe jäne Ökılettı Elşısı Kim De Sik myrza ekı memlekettıŋ ärıptestıgı jaiynda parasatty söz qozǧap, dostyqtyŋ jaŋa simvoly turaly özı şyǧarǧan öleŋın oqydy.Aita keteiık, ekı memlekettıŋ dostyǧyna arnalǧan saiabaq – Elbasynyŋ 2014 jyly Koreia Respublikasyna resmi saparmen barǧan kezınde kelısılgen yntymaqtastyq jobasy. Koreia ükımetı saiabaqtyŋ qūrylysyn özı köterdı. Oǧan 1,7 mln dollar qarjy jūmsaǧan.Dostyq saiabaǧy korei elınıŋ ūlttyq ürdısımen salynǧan. Onyŋ basty belgısı – «Dostyq qoŋyrauy». Saiabaqqa keluşıler ainadai toǧan, gülzar, korei halqynyŋ dästürlı säuletın köre alady. Şara soŋynda Äset İsekeşev, Kim De Sik pen Erlan Nysanbaev dostyq qoŋyrauyn üş märte soǧyp, baq aumaǧyna koreianyŋ ūlttyq gülı gibiskusty otyrǧyzdy.
Azamat ESENJOL