Nūr-Sūltan qalasynyŋ Ortalyqtandyrylǧan kıtaphanalar jüiesı Abai künı men hakımnıŋ 175 jyldyq mereitoiyna arnap «Abai lebı, Abai ünı, Abai tynysy» atty onlain şara ötkızdı. Şara aiasynda belgılı qalamgerler, ǧalymdar, öner ielerı tūlǧa turaly oilarymen bölıstı.
– Abai eşqaşan eskırmeidı. Qai zamanda, qai ǧasyrda, qai däuırde Abaidyŋ ruhaniiatta aty ozyp, ūly qazaq köşıne jol körsetıp tūrady. Qalyŋ el – qazaǧynyŋ ışınde otyryp, Abai progresske, jaŋaruǧa, jaŋalyqqa, jaŋǧyruǧa üŋıldı. «Özıŋdıkı dei almai öz malyŋdy, kündız külkıŋ būzyldy, tünde ūiqyŋ» deidı danyşpan. Mūnysymen öz malyŋa, öz jerıŋe, öz bailyǧyŋa özıŋ ie bola almaisyŋ, eger jaŋalyqqa, ǧylymǧa, bılımge ūmtylmasaŋ degendı aityp otyr. Abai öleŋderıŋde, Abai qara sözderınde ūlttyŋ damuyna ündeitın, ūlttyŋ bırlıgıne şaqyratyn danalyq oilar öte köp. Abai bızben bırge jaŋǧyra beredı, bızben bırge jasai beredı. Qazaq ruhaniiatynyŋ köşbasşysy bolyp mäŋgılık ömır süredı, – dedı jazuşy, dramaturg Roza Mūqanova.
Abaidy ūly dalanyŋ ruhani şyraǧdanyna, qazaq qoǧamynyŋ şamşyraǧyna teŋegen belgılı ädebiettanuşy ǧalym Serık Negimov hakım qazaq jazba ädebietınıŋ negızın qalauşy ekenın atap öttı.
– Abai – klassikalyq qazaq ädebi tılınıŋ pırı. Özınıŋ oişyldyǧymen, hakımdıgımen, kompozitorlyǧymen, tärjımaşyldyǧymen, äŋgımeşıldıgımen, äleumettık qyzmetımen el tarihyndaǧy aituly tūlǧa, – dedı ǧalym.
Aqyn, filologiia ǧylymdarynyŋ doktory Janat Äskerbekqyzy, aqyn Serıkzat Düisenǧazy, jazuşy, dramaturg, audarmaşy Älıbek Baibol, rejisser Aidyn Salban hakım tūlǧasy men mūrasyna közqarasyn jetkızdı.
