Astana qalasynyŋ Tılderdı damytu basqarmasy 14-30 säuır aralyǧynda Astana qalasyndaǧy joǧary oqu oryndarynda «Memlekettık tılde ıs jürgızuşı üzdık mekeme» baiqauyn ötkızgen edı.
Keşe qalalyq äkımdıkte osy negızde qūrylǧan arnauly komissiia baiqau qorytyndysyn şyǧardy. Qalalyq Tılderdı damytu basqarmasynyŋ basşysy Erbol Tıleşovtyŋ aituynşa, qatysqan on ekı joǧary oqu ornynyŋ ışınde Astana medisinalyq universitetı, Qazaq tehnologiia jäne biznes universitetı, Qazaq ūlttyq öner universitetı, «Tūran-Astana» universitetı ısqaǧazdaryn memlekettık tılde sauatty jürgızetının körsetken. Al, Qazaq injenerlık-tehnikalyq akademiiasy, Qazaqstan-Resei universitetı, Qazaq gumanitarlyq zaŋ universitetı, taǧy basqa da oqu oryndary memlekettık tılge dūrys köŋıl bölmeitındıgı aityldy.
Sondai-aq, qaladaǧy sport mektepterı arasynda ötken «Memlekettık tılde ıs jürgızuşı üzdık mekeme» baiqauynda da tıldık ahualdyŋ №6 balalar men jasöspırımderdıŋ olimpiadalyq rezerv sport mektebınde, «Däulet» sport kombinaty men №5 balalar men jasöspırımderdıŋ olimpiadalyq rezerv sport mektebınde jaqsy ekendıgı quantty. Mūnda şyǧys qūjattary tügeldei memlekettık tılde jürgızılude.
Baiqau nätijesınde bırınşı oryn Astana medisina universitetı men «Olimpiadalyq rezerv daiyndau ortalyǧyna» berılse, ekınşı oryndy №6 balalar men jasöspırımderdıŋ olimpiadalyq rezerv sport mektebı men Qazaq tehnologiia jäne biznes universitetı, üşınşı oryndy «Tolaǧai» joǧary sport şeberlıgı mektebı men «Tūran-Astana» universitetı ielendı.
Komissiia otyrysynda qaladaǧy barlyq joǧary oqu oryndaryna ıs-qaǧazdaryn memlekettık tılde sauatty jürgızu jönınde bırneşe ūsynystar aityldy.
Saǧi ORAL
