«Qazaqstan amerikalyqtar közimen: dalamen syrlasu» derekti filmi AQŞ-tyŋ Tampa (Florida) qalasynda ötken «Gaspiralla» halyqaralyq kinofestivalinde üzdik dep tanyldy.
Büginge deiin Napoleon, Odissei syndy tarihi obrazdardy somdap, älemge tanylǧan Armand Assante 2010 jylǧy qazanda düniejüzilik ruhani kelisim künine orai elordamyzǧa kelgen. Qazaq eli men jerine süisingen akter osy el turaly tyŋ dünie jasaudy ūiǧarǧan edi. «Ruhani kelisim kongresi» halyqaralyq qorynyŋ prezidenti, Senat deputaty Tölegen Mūhamedjanov būl ideiany jüzege asyruǧa talpynys tanytqan. Söitip, elimizdegi ärtürli därejedegi lauazymdy qyzmetkerler men jekelegen toptardyŋ qoldauymen jinalǧan 150 myŋ dollarǧa film daiyndaldy.
Elimizde tüsirilip, Amerikada montajdalǧan derekti filmniŋ ūzaqtyǧy – 27 minöt. Alaida, osy az uaqyttyq beinematerialǧa Armand Assante köp maǧlūmat syidyrady. Mūnda elimizdiŋ Täuelsizdik alǧannan keiin iadrolyq qarudan bas tartyp, älemdi beibitşilikke şaqyrǧany, äigili «ALJİR» lagerinde jatqandarǧa tas atqandai bolyp, qūrt laqtyryp, janaşyrlyq tanytqany, qyzyl imperiianyŋ tūtqyndaryn da aştyqtan qūtqarmaq bolǧany süisine baiandalady. Qazaqtyŋ 40 paiyzyn joiǧan 1932 jyldardaǧy aştyqta sezimtaldyqpen körinis tabady.
«Qazaqstannyŋ soŋǧy 300 jylda, äsirese, soŋǧy 80 jylda bastan ötkergeni būl eldiŋ äu bastan jer şaryna, bükil adamzat qauymyna yqpal etetin beibitqūmarlyǧy men keŋpeiildiligine bailanysty. Prezident Nūrsūltan Nazarbaev soŋǧy 20 jylda ǧajap dünie jasady deuge bolady. Qūldyrau şegindegi eldiŋ eŋsesin köterdi. Älem moiyndap, köptegen elder sanasatyndai deŋgeige jetkizdi», – dep mälimdepti kino avtory Armand Assante AQŞ-taǧy «CineBistro» teatrynda filmniŋ tanystyrylymy öt-kennen keiin.
P.S.
Soŋǧy mälimet boiynşa «Örkenietter aliansy» halyqaralyq qory jüldeli filmdi düniejüzindegi 80 telearnaǧa taratyp ülgergen. «Ruhani kelisim kongresi» halyqaralyq qorynyŋ prezidenti Tölegen Mūhamedjanovtyŋ aituynşa, būl tizim taǧy 120 telearnamen tolyqpaq.
Būl – Qazaqstandy älem halyqtary tereŋ tani bastady degen söz.
Näzira BAIYRBEK
