Qazaqqa serpın bergen jastar ūiymy
Mäskeude oqyp jürgen qazaqstandyq jastar ūiymy 1965 jylǧy jazǧy demalysyn Tyŋ ölkesınıŋ Selinograd, Qostanai oblystaryna arnady.
Şılde aiynyŋ basynda Selinogradta konsert qoiǧan «Jas tūlpardyŋ» maqsatyn konsert aldynda tyŋdauşylaryna osy ūiymnyŋ jetekşısı Mūrat Mūhtarūly Äuezov: «Jas tūlpar» auylǧa mädenietımızdıŋ jaŋalyǧyn jetkızudı maqsat etedı. Ol halyq önerınıŋ jaŋarta, qūlpyrta jaŋǧyrtqan beinesın aparyp tanystyrady» dep tüsındırdı.
«Jas tūlpardyŋ» lektorlary studentter Maqaş Tätımov, Mūrat Äuezov, Qasymbek Älmenov, Bolathan Taijanov är türlı taqyrypta leksiia oqydy.
Konsertte Marat Baltabaevtyŋ öŋdeuınde «Qamajai» änı, qazaq änderı taqyrybyna jazǧan popurriı özı basqaratyn kvintettıŋ oryndauynda öte tartymdy şyqty.
Sahnada «Qaiyqta» änın tamyljyta oryndaǧan eŋ jas änşı Alma Qojahmetova on jyldyqty endı ǧana bıtırgen pavlodarlyq jas talap eken. «Jas tūlpardyŋ» bır jaqsy dästürı el aralap jürgende kezdesken talantty jastardy baiqai jürıp, keiınnen Mäskeu konservatoriiasyna, basqa da öner instituttaryna qabyldatady eken.
Būdan soŋ mäskeulık jas tülekter konsertın Selinograd oblysynyŋ Qorǧaljyn, Derjavin, Qostanai oblysynyŋ oŋtüstıktegı audandarynyŋ şalǧaidaǧy auyl tūrǧyndary tamaşalady.
Ǧaziza İSAHAN