«Qazaqstan aruy – 2021» baiqauynyŋ tarihynda alǧaş ret üş jeŋımpaz anyqtaldy. Olardyŋ ärqaisysy Qazaqstandy ırı halyqaralyq baiqaularda tanystyrady.
Baiqaudyŋ bır jeŋımpazy «Astana aruy – 2021» baiqauynyŋ jeŋımpazy Aidana Ahataeva boldy. Ol endı «Älem aruy» baiqauynda Qazaqstan atynan şyǧady. 21 jastaǧy boijetken Qazaq ūlttyq öner universitetınıŋ tülegı, qazır elordada muzykalyq studiialardyŋ bırınde fortepianodan sabaq beredı. Bos uaqytynda klassikalyq muzyka tyŋdap, şet tılderın üirengendı ūnatady.
«Älem aruy» baiqauyna qatysatyn ümıtkerdıŋ bırı aqtöbelık 23 jastaǧy Nazerke Karmanova
boldy. Ol Aqtöbedegı Qazaq-Resei Halyqaralyq universitetın buhgalter mamandyǧy boiynşa bıtırgen. Qazır Almatydaǧy bankterdıŋ bırınde menedjer bolyp jūmys ısteidı. Baiqaudyŋ üşınşı jeŋımpazy – 20 jastaǧy qaraǧandylyq Anna Glubokovskaia. Ol Qazaqstandy «Jer aruy» baiqauynda tanystyrady. Anna Almatyda dybys jabdyǧymen ainalysatyn kompaniiada jūmys ısteidı.
«Qazaqstan aruy – 2021» mereitoilyq 25-şı ūlttyq baiqauynyŋ finaly bırneşe jyldan keiın alǧaş ret Almatydaǧy «Qazaqfilm» studiiasynda öttı. Finaldaǧy şou kezınde Qazaqstannyŋ eŋ ädemı qyzdary ARUNAZ otandyq sän üiınıŋ kiımderı men Sherri Hill Gollivud brendınıŋ köilekterın kiıp şyqty. Dästürlı kostiumderdı kiıp şyqqan körsetılımnen basqa, zaldaǧy jäne tıkelei efirdegı körermender finalisterdıŋ erekşe önerın tamaşalai aldy.
Baiqaudyŋ aşyqtyǧyn qamtamasyz etu üşın qazylar alqasy üzdık 15 qyzdyŋ arasynan özderı turaly aitatyn grand-finalǧa bes qyzdy taŋdady. Grand-finaldyŋ 5 jeŋımpazyn qazaqstandyqtar tıkelei efir kezınde bastalǧan saittaǧy dauys beru arqyly taŋdady. Eske salaiyq, 2020 jyly «Qazaqstan aruy» ūlttyq sūlulyq baiqauynyŋ direksiiasy pandemiiaǧa bailanysty dästürlı şoudy kelesı jylǧa auystyru turaly şeşım qabyldaǧan edı.
Baian Asylbekova
