QR Qarjy ministrlıgı Memlekettık kırıster komitetı 30 qyrküiekke deiın Qazaqstan aumaǧynan qandai kölıkterdıŋ şyǧaryluy kerektıgın tüsındırdı.
Komitettıŋ resmi mälımetı boiynşa, būl talaptyŋ Euraziialyq ekonomikalyq odaqqa müşe elderdıŋ memlekettık nömırı bar kölıkterge qatysy joq. «Qazaqstan azamataryna Euraziialyq ekonomikalyq odaq aumaǧynda Belarus Respublikasy men Resei Federasiiasynyŋ kölık qūraldarymen uaqytşa äkelu merzımderın esepke almastan jüruge bolady. Al Armeniia Respublikasy men Qyrǧyz Respublikasynyŋ kölık qūraldarymen senımhat boiynşa basqaru qūqyǧynsyz jüre alady» – dep jazylǧan komitettıŋ tüsındırmesınde. Sonda 30 qyrküiekke deiın kımder kölıgın Qazaqstan aumaǧynan şyǧaryp ülgeruı kerek? «Şetel azamattary özınıŋ tūrǧylyqty elıne jäne kölıktı äketetın elge qaitaru üşın memlekettık şekaradan atalmyş kölıktı mınıp öte alady. Eger ol mümkın bolmasa, tasymaldauşylardyŋ qyzmetın paidalana alady» – dep jazady komitet mamandary. Şeteldık kölık qūraldaryn äketu turaly talap – Euraziialyq ekonomikalyq odaq elderınıŋ bükıl aumaǧyna qoldanylady. Iаǧni, şeteldık kölık Euraziialyq ekonomikalyq odaq aumaǧynan tys aumaqqa şyǧaryluy kerek. Odaq aumaǧyna üşınşı elderden äkelıngen kölıktı tiıstı kedendık räsımdeusız bır jyl ǧana tebuǧa rūqsat beru turaly şeşımdı Euraziialyq ekonomikalyq keŋes 2020 jylǧy 29 säuırde şyǧarǧan bolatyn. Būl kezde pandemiia örşıp, şekaralardyŋ bärı jabyq tūrǧandyqtan, merzım 2021 jyldyŋ 30 qyrküiegıne deiın ūzartylǧan edı. Būl merzım bıtkennen keiın Äkımşılık polisiia komitetı men Memlekettık kırıster komitetınıŋ qyzmetkerlerı bırlesıp uaqytşa jüru merzımı aiaqtalǧan kölıkterdı ızdeidı. Ondai kölıkter tabylǧan jaǧdaida aiyp tūraǧyna qamalady. «Euraziialyq ekonomikalyq odaqtyŋ qoldanystaǧy zaŋnamasy boiynşa uaqytşa äkelu merzımderı ötkennen keiın jeke tūlǧada kedendık tölemderdı töleu mındetterı tuyndaidy. Tölemnıŋ mölşerın aumaqtyq memlekettık kırıster organdarynyŋ qyzmetkerlerı esepteidı» – dep jazylǧan komitettıŋ mälımetınde.
