Belarus Respublikasynyŋ prezidentı Aleksandr Lukaşenko elımızge resmi saparmen keldı. Beisenbı künı Belarus basşysyn elorda äuejaiynda Memleket basşysy Qasym-Jomart Toqaev qarsy aldy. Qalaǧa kelgen Aleksandr Lukaşenko aldymen «Otan qorǧauşylar» monumentıne gül şoqtaryn qoidy. Keşe ekı el basşylary şaǧyn jäne keŋeitılgen qūramda memleketaralyq qarym-qatynastardy damytu mäselelerın talqylady.
Elşılıktıŋ jaŋa ǧimaraty aşyldy
Belarus basşysynyŋ resmi saparyna orai elordada Belarus elşılıgınıŋ jaŋa ǧimaraty aşyldy. Saltanatty räsımge Belarus Ükımetı jetekşısınıŋ bırınşı orynbasary Aleksandr Turchin men Qazaqstan Ükımetı basşysynyŋ orynbasary Roman Skliar qatysty. R.Skliar bas qalada etnikalyq koloritpen salynǧan jaŋa zamanaui keşen şeteldık diplomatiialyq ökıldıkterdıŋ qataryn tolyqtyryp qana qoimai, ekıjaqty yntymaqtastyqty odan ärı jandandyruǧa üles qosatynyn mälımdedı. Säulet keşenıne äkımşılık, üş qabatty qyzmetkerler üiı, Belarus elşısınıŋ ekı qabatty rezidensiiasy kıredı. Ǧimarattardyŋ qasbetı travertinmen kömkerılgen, ǧimarattyŋ kıreberısıne belarus ūlttyq oiu-örnekterı salynǧan. Jaŋa ǧimarat elşılıkter qalaşyǧynda, Täuelsızdık saraiyna jaqyn ornalasqan.
Kelıssözder köp mäselenı şeştı
Aqordadaǧy şaǧyn qūramdaǧy kelıssözder barysynda el basşylary syrtqy saiasaty, integrasiialyq bırlestıkterdegı özara ūstanym, Qazaqstan–Belarus yntymaqtastyǧyn damytu mäselelerı talqylandy. Eŋ bastysy, Qazaqstan men Belarus arnaiy ūzaqmerzımdık jospar qabyldauǧa kelıstı. Qasym-Jomart Toqaev kelıssözder kezınde, negızınen, önerkäsıptık kooperasiiany küşeituge nazar audarylǧanyn atap aitty. Auyl şaruaşylyǧy men äskeri-tehnikalyq yntymaqtastyq salasynda 2-3 bırlesken jobany ıske asyruǧa mämıle jasalǧanyn jetkızdı.
2018 jyldyŋ qorytyndysy boiynşa özara sauda-sattyq kölemı 800 mln-nan asa AQŞ dollaryn qūraǧan. «Euraziialyq ekonomikalyq odaqtyŋ zor mümkındıkterın paidalana otyryp, bız ekı el arasyndaǧy sauda kölemın ūlǧaituǧa, gumanitarlyq saladaǧy özara qatynastardy şiratuǧa müddelımız. Bügın qol qoiylǧan kelısım, bırlesken mälımdeme yntymaqtastyqty odan ärı nyǧaituǧa degen naqty qadam bolyp tabylady» dedı Qazaqstan Prezidentı. Taraptar sondai-aq keleşegı zor kompaniialar men startaptardy damytatyn bırlesken venchurlyq qordy Belarus elınen aşuǧa uaǧdalasty.
Lukaşenkony Qazaqstanda ne qyzyqtyrady?
Aleksandr Lukaşenko belarustardy Qazaqstanda öndırıletın metaldar, astyq, maqta talşyǧy, mūnai önımderı jäne t. b. qyzyqtyratynyn aşyq aitty. «Belarus mūnai tasymaldaudy ärtaraptandyruǧa erekşe köŋıl böledı. Sol sebepten bız osy elden mūnai şikızatyn importtauǧa müddelımız. Eger mümkındık bolsa, Reseimen kelısıp, qazaq mūnaiyn Resei aumaǧy arqyly tasymaldaimyz» dedı A.Lukaşenko Aqordadaǧy bırlesken mälımdemede. Belarus basşysy üş jylda ekı el arasyndaǧy tauar ainalymynyŋ kölemı ekı esege deiın ūlǧaiǧanyn aitty. «Iаǧni bız Qazaqstan men Belarus arasyndaǧy tauar ainalymyn 1 mlrd dollarǧa deiın jetkıze alamyz» dedı ol.
Bırlesken jobalar ıske asyrylady
Ekı memleket būǧan deiın bırlesıp Qostanaida traktor şyǧaruǧa uaǧdalasqany mälım. Sonymen qatar, Belarus Almaty oblysynda süt-tauar fermasyn aşady. Ekı eldıŋ Auyl şaruaşylyǧy ministrlerı veterinarlyq preparattar şyǧaratyn zauyt salu jönındegı memorandumǧa qol qoidy. Būǧan qosa, liftı jabdyqtaryn şyǧaruǧa da mämıle jasady. Belarus Ükımetı basşysynyŋ orynbasary A.Turchin: «Qazır Qazaqstanda belarus tehnikasy men jabdyqtaryn qūrastyratyn 7 öndırıs bar. Bız «Mogiliovliftmaş» liftı qūrastyru jäne jabdyqtaryn şyǧaru jönındegı bırlesken käsıporyn qūruǧa müddelımız» dep mälımdedı. Sondai-aq ekı el prezidentterı joǧary oqu oryndarynda oqityn studentterge memlekettık grant böludı ūlǧaitu turaly kelısım jasady.
