Astana qalasynyŋ Qazaqstan halqy assambleiasy Alǧys aitu künıne orailastyryp dostyqty därıptegen şara ötkızdı.
Elordamyzda Dostyq üiınıŋ bolmauyna bailanysty osy künge deiın etnomädeni ortalyqtarynyŋ jūmysyn bır jerden üilestırıp, bır jerde bas qosuyna mümkındık bolmaǧan edı. Qala äkımdıgınıŋ qoldauymen «Marjan» biznes ortalyǧy ornalasqan ǧimarattyŋ bır qabaty etnomädeni ortalyqtaryna bölındı. Olardyŋ şyǧarmaşylyq ūjymdaryna arnalǧan keŋ zaly da bar. Aldaǧy jazda ötetın EKSPO-2017 körmesı qarsaŋynda bızdıŋ etnomädeni ortalyqtarynyŋ küşımen qoiylatyn bırneşe konserttık baǧdarlamamyz josparlanyp otyr. Qazır kostiumderge tapsyrys berıp, daiyndyqqa kırısıp te kettık» dedı elordalyq Assambleia hatşylyǧynyŋ meŋgeruşısı Läzzat Qūsaiynova. Qalalyq mäslihat deputaty Zeinulla Şibkenov assambleia müşelerın jaŋa qonysymen qūttyqtap, jūmystaryna sättılık tıledı.
Osynda oryn tepken 11 etnomädeni bırlestıkter «dostyq dastarhanyn» jaidy. Ärbır mädeni ortalyqtardyŋ ökılderı ūlttyq as mäzırın daiyndap, barşasy bır dastarhan basynda jinaldy.
Astanalyq assambleianyŋ qadırlı aqsaqaly, «Vainah» şeşen-inguş mädeni ortalyǧynyŋ jetekşısı Salman Geroev öz sözınde qazaq halqyna yqylasyn bıldırdı.
– Alǧys aitu künı ötken jyly alǧaş ret Elbasynyŋ bastamasymen, meiırımdılıktıŋ, bükıl qazaqstandyqtardyŋ bır-bırıne degen dostyǧynyŋ jarqyn merekesı retınde jariia etılgen bolatyn. Qazaq jerıne, qazaq halqyna erekşe alǧysty etnostardyŋ bırı – şeşen-inguşter. Stalindık quǧyn-sürgın kezınde bızderge pana bolyp, jer auyp kelgen halyq aman qaldy. Sol sebeptı sol auyr künderdı rizaşylyqpen de eske alamyz. Qazaqstan bügınde dostyq mekenıne ainalyp otyr. Mädeni ortalyqtar aşyp, öz tarihymyzdy, mädenietımızdı bıluge bar mümkındık jasalyp, qazaq jerınde qazaq halqynyŋ arqasynda jasap jatyrmyz, – dedı.
Ukrain mädeni ortalyǧynyŋ jetekşısı Tamara Şirmer de osy tılekke qosylyp, qoǧamdyq kelısım men bırlıktıŋ arqasynda qol jetken jetıstıkterın baiandady.
Bır qabatqa tügel ornalasqan etnomädeni bırlestıkterınıŋ arasynda qūrylǧanyna biyl 10 jyl tolyp otyrǧan özbek aǧaiyndardyŋ ortalyǧy da bar. Şerzod Pulatov jaqynda ötkızgen şyǧys şaiyry Älışer Nauaidıŋ mūrasyna arnalǧan keş turaly baiandap berdı. Osy keşte qazaq, özbek, orys tılderınde aqynnyŋ ǧazaldaryn oqyǧan student jastar ruhaniiatqa boilap, ekı elden kelgen qoǧam qairatkerlerınıŋ sūhbaty keşke män bergenın quana jetkızdı.
Elordalyq assambleia jūmysyn jandandyryp, jaŋa serpın bergen oqiǧa Alǧys aitu künı öttı. Onyŋ önegesı men syilastyq ülgısı halyqty toptastyratynyna taǧy da közımız jettı.
Aigül UAISOVA
