Keşe Aqordada Memleket basşysy Nūrsūltan Nazarbaev elımızge resmi saparmen kelgen Päkıstan İslam Respublikasynyŋ Premer-ministrı Mian Mūhammed Navaz Şarifpen kezdestı. Kezdesu barysynda qos el arasyndaǧy sauda-ekonomikalyq, kölık-tranzittık, ǧylymi-tehnikalyq jäne mädeni-gumanitarlyq salalardaǧy ekıjaqty yntymaqtastyqty nyǧaitu mäselelerı talqylandy.
Qazaqstan Prezidentı Päkıstannyŋ jüielı damuyndaǧy Navaz Şariftıŋ atqarǧan rölın atap körsettı.
– Sız kürdelı jaǧdaida elde ekonomikalyq jäne saiasi reformalardy tabysty ıske asyryp, Päkıstannyŋ bedelı men rölın köteretın belsendı halyqaralyq saiasat jürgızıp otyrsyz. Qazaqstan men Päkıstan ornalasqan öŋırdıŋ elderı özara sauda jäne mädeni qarym-qatynastar tūrǧysynan ärdaiym tyǧyz bailanysty boldy. Ilgerıde Sız bızdıŋ būrynǧy astanamyz Almatyǧa kelgen bolatynsyz. Sodan bergı az uaqyt ışınde bız jaŋa elorda saldyq, ony bükıl qazaqstandyqtar maqtan tūtady. Būl qala – bızdıŋ täuelsızdıgımız ben elımız egemendık jyldarynda jetken jetıstıkterdıŋ simvoly, – dedı Memleket basşysy.
Sondai-aq, Elbasy öz sözınde Päkıstan Premer-ministrınıŋ sapary ekıjaqty qarym-qatynasty jandandyruǧa tyŋ serpın beretınıne senım bıldırdı.
– Qazaqstandyqtar elımızdıŋ täuelsızdıgın alǧaşqylardyŋ bırı bolyp Päkıstannyŋ tanyǧanyn eşqaşan ūmytpaidy. Halyqaralyq kün tärtıbıne qatysty ūstanymdarymyzdyŋ ūqsastyǧy, san ǧasyrlyq dostyq jäne mädeni bailanystar bızdı jaqyn ärı bauyrlas elderge ainaldyrady. Bügıngı ahual jaǧdaiynda qarym-qatynastarymyzdyŋ jaŋa kezeŋın bastau üşın barlyq mümkındıktı paidalanatyn uaqyt jettı. Sızdıŋ saparyŋyz däl osy maqsatqa sai keletınıne senımdımın, – dedı Qazaqstan Prezidentı.
Navaz Şarif Nūrsūltan Nazarbaevqa şaqyrtuy üşın alǧys aityp, ekı halyq bailanysynyŋ san ǧasyrlyq tarihy bar ekenın atap öttı.
– Men Sızdıŋ köşbasşylyq qasietıŋızge täntımın jäne Sızdı erekşe qabılet iesı dep esepteimın. Bügınde Astanadan köretınderımızdıŋ bärı – Sızdıŋ eŋbegıŋız. Būl – menıŋ Astanaǧa bırınşı keluım. Osy qala Sızdıŋ köregendıgıŋızdıŋ simvoly dep sanaimyn. Sızdıŋ basşylyǧyŋyzben Qazaqstan zor äleumettık-ekonomikalyq jetıstıkterge jettı, – degen Päkıstan Premer-ministrı bızdıŋ elge degen airyqşa köŋılı baryn aitty.
– Men Qazaqstandy özımnıŋ ekınşı mekenım sanaimyn, sondyqtan Sızdıŋ elge köp jyldan keiıngı saparym airyqşa äserge böledı. Osy mümkındıktı paidalana otyryp, Sızdı özıŋızge qolaily uaqytta Päkıstanǧa keluge şaqyramyn, – dedı Navaz Şarif.
Ol sondai-aq, Päkıstannyŋ Qazaqstanmen jäne Ortalyq Aziia elderımen yntymaqtastyq aiasyn keŋeitkısı keletının atap körsettı.
– Bız energetika, sauda jäne ekonomika, kölık salalaryn qosa qamtityn köptegen salalarda qarym-qatynasty damytqymyz keledı. Osyǧan bailanysty Qazaqstandy Qytai-Päkıstan kölık jüiesınıŋ jūmysyna atsalysuǧa şaqyramyn. Būl Sızdıŋ el jäne osy öŋırdegı basqa da memleketter üşın Parsy şyǧanaǧyna şyǧuǧa jol aşady, – dedı Päkıstan Premer-ministrı.
Sonymen qatar Navaz Şarif Nūrsūltan Nazarbaevty jäne bükıl Qazaqstan halqyn Qazaq handyǧynyŋ 550 jyldyǧymen jäne el Konstitusiiasynyŋ 20 jyldyǧymen qūttyqtady.
Kezdesudıŋ soŋyna qarai bırqatar ekıjaqty qūjattar bekıtıldı. Qazaqstan Prezidentı men Päkıstan Premer-ministrı bırlesken mälımdemenı bekıttı. Būǧan qosa Qazaqstan Respublikasy Qaruly küşterınıŋ äskeri qyzmetşılerın Päkıstan İslam Respublikasy Qorǧanys ministrlıgınıŋ äskeri oqu oryndarynda oqytu kelısımıne, elımızdıŋ Syrtqy sauda palatasy men Päkıstannyŋ Sauda jäne önerkäsıptık palatalary federasiiasy arasyndaǧy bırlesken Iskerlık keŋestı qūru turaly özara tüsınıstık memorandumyna qol qoiyldy.
Amanǧali QALJANOV
