2016 jyldyŋ soŋynda nemese 2017 jyldyŋ basynda QR Prezidentı Nūrsūltan Nazarbaev Qyrǧyzstan elıne memlekettık saparmen barady dep kütılude. Būl turaly bügın QR Syrtqy ıster ministrı Erlan Ydyrysov Qyrǧyzstan Respublikasynyŋ SIM basşysy Erlan Abdyldaevpen bolǧan kezdesuınde mälım ettı.
«Taŋerteŋ bızde Memleket basşysymen mazmūndy kezdesu öttı. Nūrsūltan Nazarbaev menıŋ qyrǧyz ärıptesımnıŋ ekıjaqty qarym-qatynastar, damu bolaşaǧy, aimaqtyq jaǧdaidyŋ damu közqarastary jaiyndaǧy pıkırın tyŋdady. Memleket basşysy Qazaqstan men Qyrǧyzstan qarym-qatynastary özgelerge ülgı boluy tiıs ekendıgın atap öttı jäne ekı eldıŋ saiasi, ekonomikalyq, mädeni-gumanitarlyq, jastar saiasaty baǧytyndaǧy bailanystardyŋ keşendı baǧdarlamasyn jasaqtau qajettıgın aitty, – dedı E. Ydyrysov. – Bız Memleket basşysynyŋ Qyrǧyzstanǧa saparyn talqyladyq. Ekı memlekettıŋ joǧary memlekettık keŋesınıŋ kezektı otyrysyn ötkızu üşın Qazaqstan Prezidentınıŋ Qyrǧyzstanǧa memlekettık saparyn ūiymdastyrudyŋ yŋǧaily uaqytyn ızdeimız. Memleket basşysy atap ötkenındei, eŋ bastysy sapardy sapaly mazmūnmen qamtu qajet».
Öz kezegınde Qyrǧyzstan Respublikasynyŋ Syrtqy ıster ministrı Erlan Abdyldaev ekı tarap Qazaqstan Prezidentınıŋ Qyrǧyzstanǧa memlekettık saparyn sapaly ūiymdastyruǧa ülken küş salatyndyǧyn mälım ettı.
«Bız Qazaqstan Prezidentı Nazarbaevtyŋ memlekettık sapary bolady dep josparlap otyrmyz jäne ony daiyndauǧa belsendı küş salamyz. Menıŋşe, sapar jyl soŋyna deiın nemese kelesı jyldyŋ bırınşı toqsanynda ötedı. Joǧary memlekettık keŋes otyrysynda öte maŋyzdy taqyryptarmen toly bolady. Atap aitqanda, şekarany demarkasiialau men rejimın anyqtau, sonymen qatar bızdıŋ elderdıŋ arasyndaǧy qarym-qatynastardyŋ keşendı baǧdarlamasyn talqylau. Nūrsūltan Äbışūly ekı elderdı barlyq salada jaqyndastyra tüsetın baǧdarlamany qoldady», – dedı Qyrǧyzstannyŋ SIM basşysy.
inform.kz
