Qazaqstan Prezidentı Resei Federasiiasynyŋ Prezidentı Vladimir Putinmen kezdestı
Kezdesu barysynda memleketter basşylary ekıjaqty yntymaqtastyqtyŋ keŋ auqymdy mäselelerın talqylady, sondai-aq öŋırlık jäne halyqaralyq kün tärtıbındegı özektı mäseleler jönınde pıkır almasty.
Nūrsūltan Nazarbaev pen Vladimir Putin G20, TMD memleketterı basşylarynyŋ keŋesı jäne Qazaqstan-Resei öŋıraralyq yntymaqtastyq forumy aiasynda ötetın aldaǧy kezdesulerge daiyndyq barysyn qarastyrdy.
Memleket basşysy Sochi qalasyna şaqyrǧany üşın V.Putinge alǧys aityp, onyŋ Resei öŋırlerın damytu jolyndaǧy qajyrly eŋbegın atap öttı. Nūrsūltan Nazarbaev ekıjaqty yntymaqtastyqtyŋ qarqynyna rizaşylyǧyn bıldırıp, ony Qazaqstannyŋ ılgerılete tüsuge niettı ekenın aitty.
– Bızdıŋ qarym-qatynasymyz saiasi tūrǧydan da, ekonomikalyq tūrǧydan da ülgı etuge laiyq dep sanaimyn. Osy jyldary Qazaqstan men Reseidıŋ 6 myŋ bırlesken käsıporny qūrylyp, integrasiiamyzdyŋ ömırde naqty ıske asqanyn körsettı. Aldaǧy Qazaqstan-Resei öŋıraralyq yntymaqtastyq forumyna ülken ümıt artamyn. Onyŋ ekonomikalyq tūrǧydan maŋyzdy kezdesu ekenın bılemın, osyǧan orai köptegen jobalar äzırlenude. Qazırgı mäseleler bızdıŋ ükımetterımız arqyly şeşımın tabuda. Elderımızdıŋ mındetı – osyndai qiyn jaǧdaida ärdaiym bırge bolu jäne bır-bırımızge kömektesu. Dostyq, yntymaqtastyq pen özara kömek turaly şartqa jäne HHI ǧasyrdaǧy tatu körşılık pen odaqtastyq turaly şartqa negızdelgen Qazaqstan-Resei qarym-qatynasy tūraqty bolyp qala beredı. Qazaqstan men Resei senımdı körşı ärı ärıptes bolyp sanalady jäne barlyq mäselelerdı örkeniettı elderdegı ülgı boiynşa şeşedı. Reseidıŋ Türkiiamen qarym-qatynasy jaqsaryp kele jatqanyna quanyştymyn, – dedı Qazaqstan Prezidentı.
V.Putin Qazaqstan Prezidentınıŋ Resei-Türkiia qarym-qatynasyn qalypqa keltıru jolyndaǧy qairat-jıgerı üşın alǧys aityp, jaǧdaidy retteudegı bıtımgerlık missiiasyn atap öttı.
– Körıp otyrǧanymyzdai, būl qadam jemıstı boldy. Bız köptegen jyldar boiy bıregei yntymaqtastyq qarym-qatynasymyz ben özara ıs-qimylymyz ornyqqan dostas Türkiiamen tolyq formattaǧy qarym-qatynasty qalypqa keltıruge riiasyz ūmtylys jasap otyrmyz. Türkiia Prezidentı R.Erdoǧannyŋ Reseige soŋǧy sapary ekıjaqty bailanystardy qalypqa keltıru ǧana emes, ony damytu jönınde de bızdıŋ tolyqqandy jūmys jürgızuge niettı ekenımızdı däleldep berdı. Sol üşın Sızge köp rahmet, – dedı Resei Prezidentı.
Būdan bölek, V.Putin Qazaqstan men Resei arasyndaǧy strategiialyq serıktestıktıŋ barlyq baǧyt boiynşa tabysty damyp kele jatqanyna nazar audardy.
– Ärine, bız ekonomikada qiyndyqtarǧa da kezıgıp tūramyz, äsırese älemdık şikızat naryǧyndaǧy tūraqsyzdyq pen valiutalyq auytqu jaǧdaiynda tömendeu baiqaluda. Būl rette naqty kölemı jönınen ol sonşalyqty köp emes – nebärı 7%. Qazırgı yntymaqtastyq tetıkterı bızge ony eŋseruge mümkındık beredı. Al bızde mūndai tetıkter tiımdı jūmys ısteude, – dedı Resei Prezidentı, dep habarlaidy akorda.kz
