Qazaqstan Respublikasynyŋ Memlekettık hatşysy G.N.Äbdıqalyqova Halyqaralyq balalardy qorǧau künın merekeleuge arnalǧan ıs-şaralarǧa qatysty.
2016 jylǧy 1 mausymda Qazaqstan Respublikasynyŋ Memlekettık hatşysy G.N.Äbdıqalyqova Halyqaralyq balalardy qorǧau künın merekeleuge arnalǧan ıs-şaralarǧa qatysty.
Gülşara Äbdıqalyqova Astana qalasynyŋ «Astanalyq» saiabaǧynda ötken «Qoş keldıŋ, jaz!» atty balalardyŋ oiyn-sauyq baǧdarlamasyn tamaşalady. Memlekettık hatşy öz sözınde Qazaqstan Respublikasynyŋ Prezidentı N.Ä.Nazarbaev täuelsızdıktıŋ alǧaşqy künderınen bastap bızdıŋ balalarymyzdyŋ baqytty balalyq şaǧy, jaqsy bılım aluy, densaulyqtarynyŋ myqty boluy, ülkenderdıŋ yqylasy men qamqorlyǧyna bölenuı üşın barlyq jaǧdai jasaǧandyǧyn atap öttı.
Täuelsızdıktıŋ 25 jyly ışınde Qazaqstan eleulı jetıstıkterge qol jetkızdı. Zamanaui mektepter, balabaqşalar, auruhanalar, sporttyq ǧimarattar, balalar alaŋdary salynuda, qaiyrymdylyq qorlary men özge de ūiymdar qyzmet atqaruda. Mysaly, bügınde Astanada 40 myŋǧa juyq büldırşın balabaqşalarǧa baryp, 117 myŋnan astam oquşy bılım aluda.
Būdan keiın Memlekettık hatşy şyǧarmaşylyq alaŋdardyŋ jūmysymen tanysyp, «Bız üzdıktı taŋdaimyz!» atty balalar suretterınıŋ körmesınde, «Şeber qoldar» şeberhanasynda, sonymen qatar ziiatkerlık jäne sporttyq oiyndar alaŋdarynda boldy.
Sol künı G.N.Äbdıqalyqova «Qazaqstan» Ortalyq konsert zalynda balalarǧa arnalǧan «Bi Jūldyzai», «Taŋ Şolpan» jäne «Bala Dauysy» respublikalyq konkurstar jeŋımpazdarynyŋ qatysuymen ötken «Bız – Ūly Dala Elınıŋ ūrpaqtarymyz!» atty gala-konsertke qatysty.
Öz sözınde Memlekettık hatşy G.N.Äbdıqalyqova egemen Qazaqstannyŋ alǧaşqy qadamdarynyŋ bırı balalardyŋ qūqyqtaryn qorǧaudy qamtamasyz etumen bailanysty ekendıgın atap öttı. 1994 jyly Qazaqstan BŪŪ-nyŋ «Balanyŋ qūqyqtary turaly» Konvensiiasyn ratifikasiialady. Būl Konvensiiaǧa qosyluy memlekettıŋ älem qauymdastyǧynyŋ öskeleŋ ūrpaqtyŋ qūqyqtaryn qorǧau salasyndaǧy negızqalauşy qūjattaryna degen būljymastyǧyn paş ettı. Täuelsızdıktıŋ 25 jyly ışınde Qazaqstan adam qūqyqtaryna qatysty 60-qa juyq halyqaralyq qūjattardy ratifikasiialady, olardyŋ qatarynda 15-ten astamy balalar qūqyqtaryn maqsatty türde qorǧaidy.
Qazaqstanda halyqaralyq standarttarǧa sai institusionaldy jäne zaŋnamalyq deŋgeilerde qalanǧan balalar qūqyqtaryn qorǧaudyŋ ūlttyq modelı qalyptasty. El basşylyǧynyŋ saiasi erık-jıgerı men balalardyŋ qūqyqtaryn qorǧau men qamtamasyz etudegı memlekettık syndarly saiasattyŋ aişyqty belgısı bolyp tabylatyn bala qūqyqtary jönındegı Uäkıl instituty qūryldy.
Gülşara Äbdıqalyqova balalardyŋ äsemdık, şyǧarmaşylyq jäne jasampazdyq älemınde ömır süruıne barlyq jaǧdailar jasaluy qajet ekendıgın atap öttı. Memlekettık hatşy: «Balalarymyzdy tärbielei otyryp, bız memleketımızdıŋ bolaşaq äleuetın qalyptastyramyz, olar onyŋ qūrylysyna atsalysyp, Otanymyzdyŋ tabystary men jetıstıkterın arttyratyn bolady» – dedı.
Sözınıŋ soŋynda Qazaqstan Respublikasynyŋ Memlekettık hatşysy G.N.Äbdıqalyqova balalardyŋ qūqyqtaryn qorǧau mäselelerınde bilıktıŋ barlyq tarmaqtarynyŋ, azamattyq qoǧam men ükımettık emes jäne halyqaralyq ūiymdardyŋ özara tyǧyz bailanysta boluǧa şaqyrdy.
Astanadaǧy Halyqaralyq balalardy qorǧau künıne arnalǧan negızgı merekelık ıs-şaralar «Astanalyq» jäne Studenttık saiabaqtarynda, Qarjy ministrlıgı men Oquşylar saraiy aldyndaǧy alaŋdarda öttı.
Osy merekelık künı elımızdıŋ barlyq öŋırlerındegı ortalyq alaŋdar, stadiondar, saiabaqtar, sarailar men oiyn-sauyq keşenderı balalar men olardyŋ ata-analaryna esıkterın aiqara aşty.
