Qazaqstan Respublikasynyŋ Prezidentı – Elbasy N.Ä.Nazarbaevtyŋ Qazaqstan halqyna zeinetaqy reformasynyŋ mäselelerı jönındegı ündeuı
QYMBATTY OTANDASTAR!
Respublika Konstitusiiasyna säikes menıŋ qarauyma Ükımet pen Ūlttyq Bank bastamaşy bolǧan zeinetaqy jüiesı turaly jaŋa zaŋnama kelıp tüstı.
Men Zaŋnamany jaqtauşylardyŋ da, oǧan qarsylyq bıldıruşılerdıŋ de dälel-däiekterımen jaqsy tanyspyn.
Erler men äielderdıŋ zeinetke şyǧu jasyn teŋestıru turaly mäsele qazırgı eŋ özektı taqyrypqa ainaldy.
Mūnyŋ sebebın men Ükımet pen Ūlttyq Bank ıs-äreketınıŋ olqylyǧynan da köremın.
Jalpy, men Ükımet pen Ūlttyq banktıŋ jaŋa zeinetaqy zaŋnamasyn halyqqa tüsındıru jönındegı jūmysyna oŋ baǧa bere almaimyn.
Bırınşıden, osyndai öte maŋyzdy äleumettık zaŋ jobasy nemqūraily qaraldy.
Ekınşıden, ony halyqqa keŋınen nasihattau ısı dūrys jürgızılgen joq.
Nätijesınde, qazaqstandyqtardyŋ köbı zeinetaqy reformasynyŋ tüpkı mänın tüsınbei qaldy.
Bügınde zeinetaqy zaŋnamasyna özgerıster engızu kerek ekenı anyq!
Būl – jahandyq ürdıs.
Europa Odaǧy men älemnıŋ özge de elderı daǧdarys pen qūldyrau jaǧdaiynda osylai jasauǧa mäjbür boldy.
Äielderdıŋ zeinet jasyn arttyrudyŋ basty sebebı zeinetaqy töleudegı qarajattyŋ boljamdy defisitı jäne zeinetkerlerdıŋ 70%-ın äielder qūraityny boldy.
Äielderdıŋ zeinet jasyn arttyrmasa, zeinetaqy töleuge jūmsalatyn biudjet şyǧystary 2014-2024 jyldary 3 trillion teŋgege ösedı.
Būl memlekettı zeinetaqy töleuge qauqarsyz etıp, bolaşaq zeinetkerler üşın problemaǧa ainalady.
Sondyqtan bız būl mäselenı qazırden bastap şeşuge tiıspız.
Qazaqstan Ükımetı äielder üşın zeinet jasyn ösırudı joǧary şekke deiın bırtındep köşıru arqyly jüzege asyrudy aldyn ala ūsyndy.
Parlament Mäjılısı men Senaty būl şeşımnıŋ halyq üşın maŋyzyn tüsınıp, zeinetaqy jüiesı turaly jaŋa zaŋnamanyŋ dūrys şeşım bolyp tabylatyn nūsqasyn qabyldady.
Azamattardyŋ äleumetık jaǧdaiyn jaqsartu üşın qajet bolǧandyqtan zaŋ jobasyn men jalpy qoldaimyn.
Bıraq, zeinetaqy jüiesın reformalau aspektılerınıŋ bärı jete oilastyrylǧan dei almaimyn.
Konstitusiia bergen ökılettıkterıme säikes, äielderdıŋ zeinet jasyn ösıru turaly normany qaita talqylau üşın Parlamentke qaitaramyn.
Men zeinet jasyn kezeŋ-kezeŋmen ūzartudy 2014 jylǧy 1 qaŋtardan emes, 2018 jylǧy 1 qaŋtardan bastaudy ūsynamyn.
Osyǧan bailanysty Ükımetke halyqqa qajet zaŋ mäselelerın odan ärı pysyqtap, damytudy tapsyramyn.
Bırınşı. Bala kütımı demalysy kezınde jūmys ısteuşı äielderdıŋ mındettı zeinetkerlık salymyna memleket esebınen qosymşa tölemaqy qamtamasyz etılsın.
Ekınşı. Azamattardyŋ mındettı 10 prosent zeinetaqy şyǧysyna jūmys beruşınıŋ mındettı şyǧarylymy esebınen qosymşa 5 prosent engızılsın.
Üşınşı. Mındettı käsıbi zeinetaqy salymyn kezeŋ-kezeŋmen taǧy da 5 prosentke köbeitu kerek.
Būl jait airyqşa jäne ziiandy öndırısterde zeinetkerlıkpen qamtamasyz etudı jaqsartady.
Sondai-aq Ükımetke 2030 jylǧa deiın zeinetkerlıkpen qamtamasyz etu jüiesın jaŋǧyrtudy odan ärı jalǧastyru jönınde keşendı ıs-şaralar äzırleudı tapsyramyn.
Parlamenttı menıŋ ūstanymymdy eskeruge şaqyramyn.
Zeinetaqy reformasynyŋ kürdelı mäselesı boiynşa dūrys şeşımder tabylady dep men kämıl senemın.