Jaz kelse, qazaqstandyqtardyŋ şet memleketterge saiahattauǧa attanatyn ädetı. Bıreuler alys şetelge sapar şekse, keibır otandastarymyz körşı elderdıŋ körkem jerlerın köruge qūmar.
Turizmdı damytyp, ışkı turizm men syrtqy turizmnıŋ damuyna kedergı keltıretın keleŋsızdıkterdı alastauǧa küş salǧan elımız soŋǧy kezderı Qazaqstan azamattaryn viza talaptarynan bosatu jönınde şet memlekettermen ekıjaqty kelısımder jasady. Nätijesınde atalǧan kelısımge sai, qazaqstandyqtar ūlttyq pasportpen 28 elge, qyzmettık pasportpen 47 elge, diplomatiialyq pasportpen 69 elge vizasyz bara alatyn boldy.
Şetelge saiahat jasaǧysy keletın otandastarymyzǧa qolaily boluy üşın tömende QR azamattary vizasyz bara alatyn elderdıŋ tızımın jäne merzımın de körsete keteiık.
Qazaqstan azamattary Amerika, Aziia, Taiau Şyǧys, Afrika jäne TMD-nyŋ bırqatar elıne vizasyz bara alady. Būl elderdıŋ köşın bır jyldyq vizasyz rejimmen Gruziia bastasa, soŋyn 14 kündık uaqytpen Qytaidyŋ Gonkongy tüiındep tūr.
Qazaqstandyqtar vizasyz baruyna bolatyn elderdıŋ tızımı jäne merzımı:
14 künge deiın Qytaidyŋ Gonkongy
28 künge deiın Barbados
30 künge deiın Argentina, Braziliia, İndoneziia, Malaiziia, BAÄ,
Serbiia, Täjıkstan, Özbekstan, Filippin, Oŋtüstık Koreia, Ekvador90 künge deiın Resei, Äzerbaijan, Albaniia, Belarus, Kolumbiia, Kosta-Rika, Qyrǧyzstan, Moldova, Moŋǧoliia, Namibiia, Türkiia, Ukraina
180 künge deiın Armeniiaǧa
365 künge deiın Gruziiaǧa
Namibiia, Seişel araldaryna vizasyz baruǧa bolady
Turisterdıŋ viza mäselesın üilesımdı şeşu üşın keibır memleketter vizany äuejaida räsımdeuge bolatyn mümkındık te jasaǧan. Mūndai jaǧdaida viza aluǧa ötınıştı äuejaida toltyruǧa bolady. Oǧan köp uaqyt ketpeidı. Är elde talap etıletın qūjattardyŋ tızımınde aiyrmaşylyqtar bolǧandyqtan, sol eldıŋ resmi saittary arqyly keibır mäselelerdı aldyn ala naqtylap alǧan jön.
Äuejaida viza räsımdeu üşın pasport, fotosuret, baratyn-qaitatyn joldyŋ biletı, turistık rastama nemese qonaqüidı brondau turaly dädel, şotyŋyzdaǧy qarajat turaly anyqtama, saualnama men köşı-qon kartasy, baj töleu üşın aqşa ärqaşan da kerek. Vizaǧa tölenetın soma mölşerı de ärqalai. 10 dollardan bastap, neşe 100 dollarǧa deiın barady.
Keibır elderdıŋ vizasyn onlain aluǧa bolady. Oǧan kezekte tūrudy qajet emes. Barlyq qajettı qūjattardy jinaqtap, baj tölep, bırneşe kün nemese bırer saǧat ışınde viza aluǧa bolady. Alaida vizaǧa ötınıştı jolǧa şyǧatyn uaqytqa 30 kün būryn toltyru kerek.
Al elımızde 76 eldıŋ azamattary 72 saǧattan (Qytai, Ündıstan) 90 künge deiın vizasyz jüruıne mümkındık bar. Qazaqstannyŋ bırqatar elderge bır ailyq, 2 ailyq, 3 ailyq vizasyz rejim engızuı vizasyz baruǧa bolatyn memleketterdıŋ älemdık reitingındegı ornyn joǧarylatyp ǧana qoimai, otandyq turizmnıŋ damuyna da tyŋ serpın berdı.
Aita keteiık, 2018 jyldyŋ basynda Qazaqstan vizasyz baruǧa bolatyn memleketterdıŋ älemdık reitingınde 65-orynǧa köterılgen edı.
