Türkiia äskeri qyzmetşılerı Qazaqstannyŋ äskeri joǧary oqu oryndarynda boldy, dep habarlaidy astana-akshamy.kz
Türkiia Respublikasy Ūlttyq qorǧanys universitetınıŋ jäne basqa da jetekşı oqu oryndarynyŋ ökılderı Almaty, Aqtöbe jäne Astana qalalaryndaǧy äskeri joǧary oqu oryndarynda bırqatar kezdesuler ötkızdı.
Almatyda türık mamandarynyŋ qatysuymen Qūrlyq äskerlerınıŋ äskeri instituty men Radioelektronika jäne bailanys äskeri-injenerlık institutynda seminarlar men treningter ūiymdastyryldy. Oqu ornynyŋ erekşelıgın eskere otyryp, mūndai sabaqtar Aqtöbedegı Talǧat Bigeldinov atyndaǧy Äue qorǧanysy küşterınıŋ äskeri institutynda da öttı.
Ūlttyq qorǧanys universitetınde Türkiiadan kelgen ärıptesterdıŋ qatysuymen simpoziumdar ūiymdastyryldy. Onda äskeri ǧylym ökılderı äskeri şeşımder qabyldau täjıribesın, sondai-aq äskerlerdı örıstetu men äskerlerdı basqarudaǧy köşbasşylyq qasietterdıŋ äserın talqylady.
Täjıribe almasular Qazaqstan men Türkiia qorǧanys vedomstvolary arasyndaǧy biylǧy jylǧa arnalǧan ekıjaqty yntymaqtastyq şeŋberınde öttı.
