Elordanyŋ ırgesındegı Jıbek joly auylyndaǧy İmanjüsıp Qūtpanūly atyndaǧy orta mektepte halqymyzdyŋ ardaqty tūlǧasyna arnalǧan şaǧyn mūrajai jūmys ısteidı. Būǧan İmanjüsıp atamyzdyŋ nemeresı, filosofiia ǧylymdarynyŋ doktory Rauşan Köşenova bas-köz bolyp otyr. Osynda arqanyŋ asqaq jyrşysyna qatysty bıraz jädıgerler bar. Solardyŋ ışınen İmanjüsıptıŋ balasy Nūrqanǧa syilaǧan ertoqymǧa toqtalsaq deimız.
Būl qūndy mūra jaiynda Nūrqan qariianyŋ qyzy Rauşan apai äŋgımelep berdı.
– Äkem maǧan közı tırısınde ekı amanat jüktedı, – dep bastady sözın ol kısı. Bırınşısı – äkesınıŋ süiegı jatqan jerdı anyqtau, ekınşısı – suretın tabu. Bügınde äkemnıŋ osy ekı amanatyn oryndadym. İmanjüsıp atamnyŋ üş ūly, jetı qyzy bolǧan. Özı atylyp ketkennen keiın ūrpaqtary da köp quǧyn kördı. Äkem öz äkesınen on jasynda jetım qaldy. Sodan bas sauǧalap Özbekstanǧa barady. Sol jaqtan maidanǧa alynyp, soǧys bıtkennen keiın, iaǧni 1946 jyly ǧana elge oralyp, tuystaryn ızdep, tauyp alady.
Menıŋ äkem – İmanjüsıp atam alpys jastan asqanda ömırge kelgen. Sondyqtan ol kısı kenje ūly dünie esıgın aşqanda ülken toi jasaidy. Balama dep bır şeberge bar jabdyǧymen ertoqym jasatqyzady. Būl ertoqym – sol. Keiın alai-dülei uaqyt tuady. Bıraq ertoqymdy äkemnıŋ tuǧan aǧasy Seiıtqan kökem saqtap qalyp ınısıne beredı. Sodan berı būl jädıger bızdıŋ üidegı qimas qazynamyzǧa ainaldy. Äkem 1996 jyly ömırden ozdy. Keiın bauyrym Seiıtbek ertoqymdy, jügenı, jabuymen bırge atam mektebınıŋ törınde tūrsyn dep mūrajaiǧa syilady, – dedı Rauşan Nūrqanqyzy.
