Astanadaǧy «Jastar» teatrynda kezektı premera öttı. Bolat Bekjanovtyŋ «Ömır» atty dramasyn atalmyş teatrdyŋ körkemdık jetekşısı, Qazaqstannyŋ eŋbek sıŋırgen qairatkerı Nūrqanat Jaqypbai sahnalady.
Qazır bır perzentke zar bolyp jürgen qanşama otbasy bar. Būl jaǧdaidan qanşama şaŋyraq şaiqalyp, ortasyna tüstı. Spektaklge bügıngı künderı özektı bolyp otyrǧan osy taqyryp arqau boldy. Mūnyŋ arty ūlt demografiiasy problemasyna aparady. Alaida qoiylymda būl jaǧy aşylmaǧan. Erlı-zaiyptylardyŋ basyndaǧy tragediia, adaldyq, adamgerşılık siiaqty asyl sezımder qamtylsa da, spektakl solǧyn şyqty. Drama älsız bolǧan soŋ, qoiylym da şikıleu şyqqan sekıldı. Bas keiıpkerlerdıŋ – Ömır (Baqyt Hadjybaev) jäne Aina (Ainūr Rahipova) oiyny da bızdı sendıre almady.
Ömır – muzykant, jany näzık şyǧarmaşylyq adamy. Aina – auqatty otbasynan şyqqan aru. Olar äu bastan-aq adasyp qosylǧan siiaqty. Jıgıttıŋ anasy syrqattanyp, qyzdyŋ aǧasy kömektesken soŋ alǧaşqysy ekınşısınıŋ jolyna öz ömırın qūrban etken tärızdı. Alǧaşqy mahabbaty, keiın därıger bolyp jolyǧatyn Sanamen (Altynai Nūrbek) sanaly türde ketısken.
Jastary ūlǧaiǧan keiıpkerlerge qaraǧanda bozbala Ömırdı somdaǧan Şyŋǧys Jaqypbai jäne boijetken Sanany oinaǧan Qalamqas Melısova rölderın jaqsy alyp şyqty. Spektaklde ekeuı alǧaş kezdesken şaqtaǧy körınısterden ǧana äser aldyq. Bıraq onyŋ da keibır tūstary biı köp ündı filmderıne, Nūrqanat Jaqypbai qoiǧan taǧy bır spektakl «Sūlu men suretşı» qoiylymyna ūqsap kettı.
Adam ata men Haua ana turaly aŋyzda alma jemısı simvoldyq mänge ie. Rejisser ekı qoiylymynda da osyny qoldandy. «Ömırde» eger bas keiıpker Sanany taŋdaǧanda kındıgınen ūrpaq örıp, osynşama tragediiaǧa ūşyramas edı degen tūspaldy aŋǧardyq.
Qoryta aitqanda, spektakl qozǧaityn taqyryby jaǧynan ūtyp tūr. Al bas keiıpkerlerdı somdaityn akterlerdıŋ oiyny köŋılden şyǧa qoimaidy. Oqiǧanyŋ örbuın de şiratyp, dramany tolyqtyru kerek. Bälkım, daiyndyqqa az uaqyt bölınıp, akterler rölderıne kıre almaǧan bolar. Osyndai psihologiialyq tūrǧydan auyr qoiylym ülken daiyndyqty qajet etedı. Bızdıŋ tüsıngenımız, spektakldıŋ qaita qaraityn tūstary barşylyq sekıldı.
