El tynyştyǧyn, azamattardyŋ qauıpsızdıgın qamtamasyz etude ışkı ıster salasy qyzmetkerlerınıŋ eŋbegı zor ekenı anyq.
Jaqynda ötken Ministrler kabinetınıŋ keŋeitılgen alqa jinalysynda Qazaqstan Respublikasynyŋ Prezidentı Q.Toqaev: «Polisiia jūmysy – qoǧamnyŋ jıtı nazarynda. Sızderdıŋ qyzmetterıŋız el azamattarynyŋ müddelerımen jäne qauıpsızdıgımen tyǧyz bailanysty. Polisiia aşyq boluy tiıs. Ol üşın halyqpen tyǧyz bailanys qajet. Osy maqsatta Elbasy bastaǧan qūqyq qorǧau jüiesın jalǧastyramyz. Negızgı mındet – qazaqstandyqtardyŋ qūqyqtaryn qorǧaudy mültıksız qamtamasyz etu» dep atap ötken bolatyn. Osynau jauapty mındettı abyroimen atqaryp eselı eŋbegımen erekşelenıp jürgen elordalyq polisiia qyzmetkerlerı töl merekelerın atap öttı. Saltanatty ıs-şaraǧa qala äkımı Altai Kölgınov qatysyp, poliseilerge janqiiarlyq qyzmetı üşın alǧysyn bıldırdı.
– Bügın antyna berık, ruhy myqty, qoǧamdyq tärtıptı jıtı qadaǧalap, qalamyzdyŋ qauıpsızdıgın qamtamasyz etıp jürgen polisiia qyzmetkerlerınıŋ töl merekesı qarsaŋynda kezdesıp otyrmyz, – dep bastady öz sözın elorda basşysy.
«Elordamyzdaǧy polisiia qyzmetkerlerıne artylǧan jauapkerşılık te, qoiylatyn talap ta joǧary. Tūrǧyndar sany kün saiyn köbeiıp kele jatqan megapolistıŋ tynyştyǧyn kırpık qaqpai qamtamasyz etıp kelesızder. Nūr-Sūltan qalasy – otanymyzdyŋ jüregı. Kez kelgen eldıŋ bas qalasy – barlyq sala boiynşa özgelerge ülgı. Bızdıŋ jaŋa astanamyz da az uaqyttyŋ ışınde tūrǧyndar üşın qolaily, jaily jäne infraqūrylymy damyǧan qalaǧa ainaldy. Qanşa jerden qala ülkeise de, onyŋ qoǧamdyq qauıpsızdıgı aqsap jatsa, tūrǧyndar üşın qolaisyzdyqtar tudyratyny jasyryn emes. Demek, polisiia qyzmetkerlerınıŋ materialdyq-tehnikalyq jaǧdaiyna meilınşe män beru kerek. Būl rette adam faktoryn bırınşı kezekke qoiyp, polisiia jūmysyn jeŋıldetu üşın sifrlandyru jüiesın jetıldıre tüsu qajet. Qalai aitsaq ta, qoǧamdyq tärtıptı baqylau oŋai jūmys emes. Sondyqtan elordanyŋ damuy men güldenuıne sızderdıŋ qosyp jatqan ülesterıŋız orasan zor dep baǧalaimyn» degen qala basşysy A.Kölgınov polisiia qyzmetkerlerın töl merekesımen qūttyqtap, jauapkerşılıgı basym jūmystaryna sättılık tıledı.
Aǧymdaǧy jylda bas qala boiynşa qylmys körsetkışı 21 paiyzǧa azaiypty. Jyl basynan berı astanalyq poliseiler 2 myŋǧa juyq qoǧamdyq-saiasi, mädeni-sporttyq şaralardyŋ qauıpsızdıgın qamtamasyz ettı. Zaŋ būzuşylyqqa, tärtıpsızdıkke jol berılmedı. Būdan şyǧar qorytyndy qoǧamdyq tärtıptı qalyptastyruda poliseilerdıŋ qanşama ūiqysyz tünderdı ötkızgen qajyrly eŋbegı jatqanyn aŋǧaru qiyn emes.
Kezdesu barysynda bırqatar polisiia qyzmetkerlerıne nagradalar men syilyqtar tabystaldy. Saltanatty şara soŋy merekelık konsertke ūlasty.
Beibıt OSPAN
