Bas qalada «Azamattyq qoǧam men media salasy ökılderınıŋ özara qarym-qatynasynyŋ qoǧamdaǧy rölı» taqyrybynda döŋgelek üstel öttı. Mäjılıstı Astana qalalyq Işkı saiasat basqarmasy basşysynyŋ orynbasary Läzzat Qūsaiynova kırıspe sözben aşyp, jürgızıp otyrdy. Jinalǧandar azamattyq qoǧam, ükımettık emes ūiymdar men BAQ, äleumettık jelılerdıŋ jūmysy men onyŋ qoǧamdyq kelısımge, tūraqtylyqqa tigızetın äserın talqylady.
«Qoǧamda kelısım bolmasa, kesır de köp bolady, kesel de, üilesım köp bolady. Sol kelısımge jetudıŋ bır joly osyndai ıs-şaralar ötkızu, qoǧamdaǧy oqiǧalarǧa ün qatyp otyru dep bılemın. Bızdıŋ basylymda azamattyq qoǧam ökılderı, olar ūiymdastyratyn ıs-şaralardy jariialap tūramyz. Degenmen jyl boiy üzdıksız şyǧady dep aita almaimyn. Oǧan ötkızılıp tūrǧan ıs-şaralar arqyly BAQ-qa uaqytynda habar jetpeuı de äser etedı» dedı «Astana aqshamy» gazetınıŋ bas redaktory Erkın Qydyr.
QR Prezidentı janyndaǧy Ūlttyq qūryltai müşesı, QHA respublikalyq mediasiia keŋesınıŋ töraǧasy Şerzod Pulatov BAQ-ta jariialanatyn habarlardyŋ ūltaralyq qatynasqa yqpalyna toqtaldy.
«Qandai da bolmasyn ekı ūlt ökılınıŋ arasynda qaqtyǧys, kikıljıŋ turaly habar taratqanda mındettı türde onyŋ ūltyn körsetıp tūryp jazady. Mūndai habardy oqyǧan adamda sol ūltqa degen aşu-yza nemese basqa da jaǧymsyz sezım tuady. Bız būl mäselenı köterıp jürmız jäne būl baǧyta bırtalai jūmys jasalyp keledı. Qazır, baiqauymşa, respublikalyq BAQ-tarda osyndai oqiǧalar turaly jazǧanda ūlty körsetılmeidı. Al aimaqtardaǧy BAQ ökılderı aqparat taratqanda mūny älı de eskermeidı. Qiyn-qystau kezde ata-babamyzben jarty nanyn böle jegen qazaq ūltyna degen qūrmetımız zor. Aldyŋǧy buyn bızge osyny üirettı, körsettı. Bız de özımızden keiıngı jastarǧa osyny ūǧyndyrǧymyz keledı» dedı ol.
Halyqaralyq jurnalistika mektebınıŋ adjunct assistant professory Alma Sailauqyzy aqparat taratuda abai bolu qajettıgın aitty. Sebebı jaryq körgen habarlama bükıl qoǧamǧa äser etetın joiqyn küşke ie.
«Sifrlyq qoǧam, aqparattyq qoǧam, aqparattyq soǧys däuırınde bız tüsınetın dästürlı aqparat özınıŋ örısın özgerttı. Aqparattyŋ qūndylyǧy onyŋ saldary turaly jaŋa tüsınıkter qalyptastyratyn däuırge keldık. Kez kelgen aqparat qoǧamdyq pıkır tuǧyzady, qoǧamdyq pıkır qoǧamdyq rezonansqa ainalyp, qoǧamdyq sanaǧa äser etedı. Al qoǧamdyq sana ärbır ıs-äreketımızde jetekşı röl atqaratyn küşke ie bolady. Iаǧni kıp-kışkentai aqparattyŋ kelesı bır adamnyŋ ömırın, dünietanymyn özgerte alatyn pärmenı bar» dedı ǧalym.
Sondai-aq jiynda äleumettık jelınıŋ äserı, ondaǧy qoǧamdyq tūraqtylyqqa qauıp tudyruy mümkın türlı jazbalar turaly aityldy. Qatysuşylar qandai da bolmasyn aqparat taratqanda aldymen onyŋ qoǧamǧa tigızetın äserıne män beru qajettıgıne nazar audardy.
Torǧyn Aman
