Keşe elordadaǧy «Dostyq üiınde» «Syndarly qoǧamdyq dialog – Qazaqstannyŋ tūraqtylyǧy men örkendeuınıŋ negızı» atty Prezident Joldauyn talqylauǧa arnalǧan döŋgelek üstel öttı. Onyŋ jūmysyna QR Parlamentı Mäjılısınıŋ deputattary, Qazaqstan halqy assambleiasynyŋ müşelerı, etnomädeni bırlestıkterdıŋ ökılderı jäne qoǧam qairatkerlerı qatysty.
Jiyndy aşyp, söz söilegen Nūr-Sūltan qalasy äkımınıŋ orynbasary Baqtiiar Mäken Prezident Joldauynyŋ Elbasy baǧdaryn ärı qarai jüzege asyrudy qamtamasyz etetın ülken saiasi jäne äleumettık bastamalardy oryndaudyŋ jaŋa kezeŋı ekenın aitty. «Memleket basşysy Joldauda el damuyndaǧy eŋ özektı mäselelerdı aityp, olardy şeşudıŋ naqty joldaryn körsettı. Qoǧam damuynyŋ strategiialyq baǧdary men baǧyttaryn anyqtady. Qasym-Jomart Toqaev Ükımet köŋıl böluı tiıs bes negızgı salany atady: zamanaui ärı tiımdı memleket, azamattardyŋ qūqyǧy men qauıpsızdıgın qamtamasyz etu, ekonomikanyŋ inkliuzivtı damuy, äleumettık jaŋǧyrtudyŋ jaŋa kezeŋı jäne äleuettı öŋırler» dedı Baqtiiar Mäken.
Äkım orynbasary öz sözınde elımızde inkliuzivtı qoǧam qūrudyŋ maŋyzdylyǧyna toqtaldy. Joldaudyŋ äleumettık mäseleler bölımınde bılım beru, ana men bala institutyn qūru, sapaly medisinalyq qyzmettıŋ qoljetımdılıgı, mädeniet qyzmetkerlerın qoldau, inkliuzivtı qoǧam qūru jönınde aityldy. Mümkındıgı şekteulı jandardy tolyqqandy qoǧam ömırıne tartu – inkliuzivtı qoǧam qūrudyŋ maŋyzdy mındetı. Būl maqsatqa aldaǧy üş jylda 58 mlrd teŋge qarajat bölınedı» dedı B.Mäken.
Odan keiın söz alǧan Mäjılıs deputaty Sauytbek Abdrahmanov Prezident halyqqa Joldauda Ükımet pen Parlament rölın naqtylap, mındet-maqsattaryn aiqyndap bergenıne toqtaldy. Halyq qalaulysy Joldau aiasynda jüzege asyrylatyn jūmystardy Elbasynyŋ saiasatymen sabaqtastyru qajettıgın qadap aitty. «Bız elımızdegı qoǧamdyq kelısımdı nyǧaituǧa nazar audaruymyz kerek. Sebebı ol – halyq pen bilık arasyndaǧy altyn köpır. Qoǧamnyŋ tynyştyǧy bärınen de maŋyzdy, bırlık bar jerde tırlık bolady. Joldauda alǧaş ret Memleket basşysynyŋ auzymen qazaq halqynyŋ memleket qūrauşy ūlt retındegı rölı aiqyndaldy. Būl da – ülken jetıstık. Sondai-aq qazaq tılınıŋ bırte-bırte ūltaralyq qatynas tılıne ainalatyny aityldy. Eŋ bastysy, alǧa qoiǧan maqsatymyz aiqyn» dedı deputat.
Jadyra MŪRATBEKOVA
