23 aqpan künı bırınşı şaqyrylymdaǧy Astana qalasy qoǧamdyq keŋesınıŋ ökılettıgı aiaqtalady. Qazırgı taŋda «Qoǧamdyq keŋester turaly» elımızdıŋ zaŋyna säikes qalalyq mäslihattyŋ jūmys toby keŋestıŋ jaŋa qūramyn jasaqtau jūmystaryn jürgızıp jatyr. Ümıtkerlerden qūjattardy qabyldau 19 aqpanǧa deiın jalǧasady. Qoǧamdyq keŋes müşelerınıŋ basym köpşılıgı azamattyq qoǧam jäne qala tūrǧyndary arasynan taŋdaluy kerek. Jergılıktı bilık ökılderı 30 paiyzdan aspauy tiıs.
25 adamnan jasaqtalǧan bırınşı şaqyrylymdaǧy qalalyq qoǧamdyq keŋes öz qyzmetın atqaru merzımı kezınde 58 otyrys, 4 ret qoǧamdyq tyŋdau ötkızdı. Keŋes qūramynda äleumettık jäne ekonomikalyq mäselelerdı qaraǧan ekı komissiia jūmys ıstedı. Būl turaly baiandaǧan keŋes töraǧasy Sansyzbai Esılov ūiymnyŋ üş jyldyq jūmysynyŋ qorytyndylaryna toqtaldy.
«Keŋes otyrystarynda jalpy alǧanda normativtı-qūqyqtyq aktılerdıŋ 292 jobasy qaraldy. Osy qūjattar qala tūrǧyndaryna, olardyŋ tynys-tırşılıgıne qatysty boldy. Sonyŋ ışınde densaulyq saqtau, bılım, energetika, qūrylys, säulet, auyl şaruaşylyǧy salalaryndaǧy 200-ge tarta jobany maqūldadyq. Ötken jyly qalada qoǧamdyq kölıktegı jolaqy jüiesı elektrondy ülgıge köşırıldı. Onyŋ sättı jüzege asyryluyna qoǧamdyq keŋes öz ülesın qosty. Keŋes müşelerı avtobustarǧa mınıp, adamdarmen söilestı, jaŋa jüie turaly olardyŋ pıkırlerın bıldı. Sol arqyly jolauşylardyŋ pıkırın äkımdık qūrylymdaryna jetkızdı» dedı S.Esılov.
Onyŋ aituynşa, aqyly tūraqtar jüiesın engızu kezınde de keŋestıŋ otyrystarynda aitylǧan eskertuler men ūsynystardan keiın tiıstı qūjatqa köptegen özgerıster men tüzetuler engızıldı. Jeŋıldıkpen berıletın därı-därmektıŋ tüitkılı tuyndaǧanda da mäselenıŋ oŋ şeşıluıne keŋes yqpalyn tigızdı. Sol siiaqty basqa da maŋyzdy mäselelerdıŋ tiianaqtaluyna keŋes aralasty.
Būǧan qosa, ūiym tūrǧyndardyŋ ötınışterın qabyldap, jūrtşylyqpen kezdestı. S.Esılov keŋes müşelerıne atqarǧan jūmysyna, bırqatar būqaralyq aqparat qūraldaryna mekeme jūmysy turaly aqparatty halyqqa jüielı türde jetkızıp otyrǧanyna alǧysyn aityp, keŋestıŋ jaŋa qūramyna sättılık tıledı. Jurnalisterdıŋ sūraqtaryna jauap berdı.
