Elordada «Nūr-Sūltan qalasynyŋ qoǧamdyq keŋesı: azamattyq qoǧammen bailanys qūraldaryn örıstetu» taqyrybynda döŋgelek üstel mäjılısı öttı.
Qoǧamdyq keŋes müşelerı, qalalyq mäslihat deputattary jäne qala äkımdıgınıŋ ökılderı qatysqan otyrysta 2019 jyldyŋ nauryzynan 2020 jyldyŋ qyrküiegıne deiıngı qoǧamdyq keŋes qyzmetı talqylandy.
Qoǧamdyq keŋes müşesı Altynai Nūrkeevanyŋ aituynşa, zertteu kezınde keŋestıŋ resmi resurstaryndaǧy kontent-taldauy, otyrystardyŋ hattamalary, ūsynystary, sarapşylar saualnamasy paidalanylǧan.
– Bız qyzmettıŋ äserlılıgınıŋ baǧasyn tekserdık. Ol tek qoǧamdyq keŋes müşelerı üşın ǧana emes, bızdıŋ qaida baǧyt alǧanymyzdy köru üşın, olqylyqtardyŋ ornyn toltyru üşın aldymen qoǧamǧa qajet. Aqparatty jinau jūmysy jürgızıldı. Onda materialdar, qūjattar, otyrystardaǧy hattamalar, ūsynystar qoldanyldy. Osynyŋ arqasynda bızge jūmysty jüielendıruge, hattamalar mūraǧatyn jasauǧa, olardy sifrlandyruǧa mümkındık tudy. Bügınde sonyŋ bärın köpşılıkke qoljetımdı etudı josparlap otyrmyz, – dedı A.Nūrkeeva.
Nūr-Sūltan qalasynyŋ qoǧamdyq keŋesı 2016 jyldan berı jūmys ıstep keledı. Bügınde keŋes qūramynda 21 adam bar. Sonymen qatar zertteu kezınde keŋestıŋ demografiialyq-genderlık qūramy mäselesıne de taldau jasaldy.
– Ökınışke qarai, qoǧamdyq keŋeste 20-dan 30-ǧa deiıngı jastar joq degen syn aitylady. Bızdıŋ qatarymyzdyŋ köbı – elu jastan asqan adamdar. Negızgı sanat – 36-40 jas. Eger genderlık mäselenı aitar bolsaq, qoǧamdyq keŋes müşelerınıŋ 19 paiyzyn äielder qūraidy, – dedı A.Nūrkeeva.
Qoǧamdyq keŋes 2019 jyldyŋ nauryz aiynan bastap 2020 jyldyŋ qyrküiegıne deiın 25 otyrys ötkızıp, 102 mäselenı qaraǧan.
Otyrys barysynda qoǧamdyq keŋes qyzmetınıŋ tiımdılıgı qaralyp, keŋes jūmysynyŋ aldaǧy damuy jaily ūsynystar aityldy.
