Qoǧamdyq keŋestıŋ äleumettık mäseleler jönındegı komissiiasynyŋ müşelerı elordanyŋ problemalyq nysandary – qūrylys jürgızuşıler bırneşe jyl būryn tapsyruǧa tiıs salynyp bıtpegen tūrǧyn üilerde boldy.
Üleskerlerden qarjy alyp, qūrylysty toqtatyp qoiǧan būrynǧy bas merdıgerlerge qatysty qylmystyq ıster qozǧaldy. Problemalyq üilerdıŋ aldaǧy taǧdyry – sot şeşımıne ǧana bailanysty.
«Bız 2 milliard teŋgeden astam qarjy qūidyq, üidıŋ 1/3 bölıgı ǧana salynǧan. Bas merdıger telefonǧa jauap bermeidı», – deidı üilerdıŋ bırınıŋ üleskerı Janna Uvataeva.
436 päterden tūratyn basqa nysan 2013 jyly paidalanuǧa tapsyryluy tiıs edı. Qūrylysty aiaqtau mındetı jüktelgen qazırgı tapsyrys beruşı ony öz qarjysyna salyp jatyr, bıraq qarajat jetkılıksız.
«Bızge eŋ bastysy – aktivterdı aşu. Buhgalterlerdıŋ esepteuınşe, sol aktivter bızge barlyq qūrylys jūmystaryn aiaqtauǧa jetedı», – deidı tapsyrys beruşı kompaniia direktorynyŋ orynbasary Qairat Ädılbaev.
Kompaniia ökılı komissiia müşelerın qūrylysty kelesı jyly aiaqtaitynyna sendırdı.
«Bız qoǧamdyq keŋes retınde ūsynystar aitamyz. Üleskerlermen kezdesıp, barlyq mäselelerdı talqylaimyz. Üleskerlerdıŋ aitqandaryn tyŋdap, ūsynystar äzırlei bastaimyz. Ol ūsynystardy äkımdıkke jıberemız. Eger qajet bolsa, joǧary tūrǧan organǧa da şyǧamyz», – dep atap körsettı Astana q. qoǧamdyq keŋesınıŋ äleumettık mäseleler jönındegı komissiiasynyŋ töraǧasy Mūhtar Erketaev.
astana.gov.kz
