QOǦAMDYQ KÖLIKTEGI TÄRTIP QADAǦALANADY
Tatiana Nanoşkina esımdı qala tūrǧyny 7 nauryzda №64 baǧdardaǧy avtobusta oryn alǧan keleŋsızdıkke qatysty şaǧym tüsırdı. Äleumettık jelı arqyly qynjylysyn bıldırgen ol dūrys qyzmet körsetpegen jürgızuşı men konduktorǧa sögıs berudı talap ettı.
Astana äkımdıgı jolauşylarǧa qyzmet körsetu sapasyna, jürgızuşıler men konduktorlardyŋ tärtıbıne basa nazar audarady.
Joǧarydaǧy saualǧa jauap bergen qala äkımı Äset İsekeşev osyndai şaǧymdardyŋ jiı tüsetının aityp, şahardaǧy 8 avtobus parkınıŋ 7-euı jekemenşık ekenın, sondyqtan aldaǧy uaqytta jaŋa modelge köşırıletının mälımdedı.
Qala tūrǧyny ötınışınıŋ nätijesınde «№7 avtopark» äkımşılıgı avtobus jyldamdyǧyn asyrǧan, aialdamaǧa der kezınde toqtamaǧan jürgızuşı M.Myrzahmetov pen konduktor K.Ömeşovaǧa sögıs jariialady.
Orynbek ÖTEMŪRAT