Jaŋadan keletın «Shuttle bus»-tyŋ basqa avtobustardan qandai aiyrmaşylyǧy bar? Kölıktegılerge bıraz qiyndyq tuǧyzǧan Bus Lane jolaqtary köbeie me? EKSPO aiaqtalǧannan keiın konduktorlar bola ma? Astana qalasy Jolauşylar kölıgı basqarmasynyŋ basşysy Bekmyrza İgenberdinov astanalyqtardy mazalaǧan osy jäne özge de sūraqtarǧa jauap berdı
93 künge jalǧasatyn körme kezınde elordaǧa öŋırlerden şamamen 472 myŋ adam avtobuspen keledı dep kütılude. Dälırek aitsaq, Atyrau jäne Maŋǧystau oblystarynan basqa 13 oblystan kündelıktı jūmys ıstep tūrǧan «Saparjai» avtovokzalyna, «Alai» jäne «KeŋMart» kölık habtaryna 118 avtobus kelıp-ketedı. «Saparjai» avtovokzaly oblysaralyq reisterge qyzmet körsetedı. Jolǧa şyǧatyn 53 reis 2410 jolauşyny elordaǧa jetkızedı. «Alai» kölık haby täulıgıne 37 reistı qabyldap, Kökşetau, Qostanai, Petropavlovsk, Taldyqorǧan, Oral, Aqtöbe jäne Öskemen qalalarynan keletın 1583 turistı kütıp aluǧa saqadai sai tūr. Jalpy kölık habynda 7 avtobustyq baǧdar jūmys ısteidı, būl, şamamen, 70-ke juyq avtobus degen söz.
«KeŋMart» kölık haby Almaty qalasynan, Qaraǧandy jäne Almaty oblysynan keletın reisterdı qabyldap alady. 1254 jolauşy 28 avtobuspen keledı. Al būl habqa 7 avtobustyq baǧdar, iaǧni 50 avtobus tartylǧan.
ÄUEJAIDAN «NŪRLY JOLǦA» DEIIN – 150 TEŊGE
Arnaiy körmege dep äkımdık 7 jaŋa «Shuttle bus» avtobusyn engızdı. Qala ışınde №500, №501, №502, №503, №504, №505 jäne №506 degen sandary bar qoǧamdyq kölıktı közıŋız şalsa, ony şattl-bas dei berıŋız. Bügınnen bastap onyŋ üşeuı, atap aitsaq, №503, 504, 506 baǧdardaǧy avtobustar jolǧa şyǧady. Qūny – 150 teŋge. Nege deisız? Tüsındıre keteiık, būl avtobustar az ǧana aialdap, dıttegen jerıŋızge jedel jetkızedı. Özıŋız baǧa berıp körıŋız, halyqaralyq äuejaidan jaŋa «Nūrly jol» temırjol vokzalyna deiıngı aralyq üşın 150 teŋge töleu öte tiımdı. Joba aiasynda «Iveco Urbanway» markaly 167 avtobus tartylǧan. Baǧdarlar kündelıktı 83 myŋ saparǧa şyǧa alady.№500, №502 baǧdardaǧy avtobustar – 1 mausym künı, al №501, №505 baǧdardaǧy avtobustar 5 mausymda jolǧa şyǧady. «Shuttle bus» avtobustarynda konduktor bolmaidy, sondyqtan jolauşylar aldyŋǧy esık arqyly özderı kırıp, jolaqysyn elektrondy türde tölei alady» dedı Bekmyrza İgenberdinov.
QONAQTAR KÖRMEGE TEZ JETEDI
Bügıngı taŋda EKSPO qalaşyǧyna 11 baǧdardaǧy avtobustar qatynaidy. Al körmenı ötkızu barysynda sol 11 baǧdarǧa qosymşa 103 jaŋa avtobus qosylady. Osylaişa, jolauşylardyŋ aialdamalarda kölıktı kütu uaqyty 10-15 minuttan 5-7 minutqa deiın qysqarady. Al kündelıktı tasymaldap jürgen adamnyŋ sany 150 myŋnan 260 myŋǧa deiın artuy mümkın.
Astanalyqtar men qala qonaqtary üşın taǧy bır tüngı ekspress-baǧdar ıske qosylady. Ol «Nūrly jol» temırjol vokzalynan bastap jüretın bolady. Eske sala keteiık, biylǧy jyldyŋ 8 säuırınen bastap №200 baǧdar kündelıktı tüngı 12:00-den taŋǧy 6-ǧa deiın «Astana» temırjol vokzalynan «Astana» halyqaralyq äuejaiy baǧytymen jüredı. Jelıdegı avtobustardyŋ sany – 3, sapardyŋ qūny – 150 teŋge.
Bekmyrza İgenberdinov, Astana qalasy Jolauşylar kölıgı basqarmasynyŋ basşysy:
EKSPO jäne «Mega Silk Way» aumaǧynda 6 myŋ avtotūraq orny qarastyrylǧan. Degenmen, qarbalas künderı tūraq oryndary jetıspegende, kölık ielerı tegın 14 jolşybai tūraqqa kölıkterın qoiyp, körme ortalyǧyna deiın avtobuspen jäne Shuttle bus baǧdarymen oŋai jete alady.
BUS LANE JOLAǦY KÖBEIDI
3 mausymnan bastap elordanyŋ 13 köşesınde Bus Lane jolaǧy paida bolady. Osylaişa, avtobustarǧa arnalǧan 24 jolaq 79 şaqyrymǧa deiın jetedı. Jolauşylardyŋ aialdamada avtobus kütu uaqyty qysqarady. «Būl jolaqtarmen qoǧamdyq kölıkten basqa jedel järdem, ört söndıru jäne polisiia qyzmetı, sondai-aq resmi taksi qyzmetıne jüruge rūqsat. Olardyŋ keptelıste tūrmai, kerek jerge tez jetuı qala tūrǧyndaryna maŋyzdy dep oilaimyn. Mäselen, jedel järdem şaqyrǧan jerge 7 minutta jetuı tiıs» dedı basqarma basşysy.
– Bus Lane jolaqtaryna qarsylyq bıldırıp jatqan tūrǧyndar köp. Alaida qalada 400-450 myŋǧa juyq avtokölık bar. Astanaǧa jazǧy uaqytta milliondaǧan turist keletının eskere otyryp, olardy EKSPO keşenıne tasymaldaudy dūrys ūiymdastyruymyz kerek. Kölık qozǧalysyn osylaişa retteudı jön sanap otyrmyz. Tamyzda jüielı taldau jasalyp, körme aiaqtalǧan soŋ olardyŋ keibırı alynyp tastaluy mümkın, –
deidı basqarma basşysy.
Taǧy bır jaŋalyq, 7 mausymnan EKSPO körmesı aiaqtalǧanǧa deiın salmaǧy 3,5 tonnadan asatyn jük kölıkterıne taŋǧy 6-dan 23:00-ge deiın jolda jüruge tyiym salynady. Alaida käsıporyndardyŋ kommersiialyq qyzmetın jüzege asyru üşın jük kölıkterıne 23:00-den taŋǧy 6-ǧa deiın jüruge rūqsat. Būl kölık keptelısın azaityp, joldaǧy qauıpsızdıktı jaqsartyp, avtomobil joldarynyŋ tez tozuyna jol bermei, qala ekologiiasyna kerı äserın azaitady dep otyr basqarmadaǧylar. Al tranzittık jük kölıkterıne ainalma jol qarastyrylǧan.
KONDUKTORLAR DALADA QALMAIDY
Qoǧamdyq kölıkte konduktorlar jaz soŋyna deiın ǧana jūmys ısteuı yqtimal. «Shuttle bus»-tan bastap, barlyq avtobustarda elektrondy tölem ornatylsa, konduktorlardyŋ qyzmetı qajetsız bolyp qalady. Mobildı validatorlar jürgızuşınıŋ janyna ornatylady. Bükıl älem baiaǧyda osy ädıske köşken. Konduktorlardy jūmysqa ornalastyrumen Jūmyspen qamtu ortalyǧy ainalysady, sol sebeptı olardyŋ dalada qaluy ekıtalai» dep tüsındırdı B.İgenberdinov.
Güldana TALǦATQYZY
