QOǦAMDYQ QAUIPSIZDIK – BASTY NAZARDA
Astana qalasynda qoǧamdyq qauıpsızdık pen qūqyqtyq tärtıptı qorǧaudy qamtamasyz etu şaralary mäselesı boiynşa «Qylmyspen küres jäne zaŋ būzuşylyqtyŋ aldyn alu şaralaryn jüzege asyru barysynda qūqyq qorǧau organdary qyzmetınıŋ nätijesın köteru» taqyrybynda döŋgelek üstel otyrysy öttı.
Mäslihattyŋ kezektı sessiiasyna daiyndyq aiasynda ötkızılgen şaraǧa Astana qalasy mäslihatynyŋ hatşysy Janat Nūrpeiısov, qala äkımınıŋ orynbasary Andrei Lukin, elordalyq qūqyq qorǧau organdary departamentterı men basqarmalarynyŋ basşylary, qoǧamdyq bırlestıkterdıŋ ökılderı qatysty.
Kezdesu barysynda elordalyq Işkı ıster departamentınıŋ bastyǧy, polisiia general-maiory Amantai Äubäkırov mäslihattyŋ qūqyq qorǧau salasyndaǧy bolyp jatqan barlyq oqiǧalardan habardar bolǧanynyŋ maŋyzdylyǧyna toqtalyp, aldaǧy uaqytta da bırlese jūmys jasauǧa daiyndyǧyn bıldırdı.
Astana qalasy IID basşysynyŋ orynbasary Batyrlan Esenbai qoǧamdyq tärtıptı saqtau, azamattardyŋ qauıpsızdıgın qamtamasyz etudegı atqarylǧan jūmystardyŋ bırqatarymen tanystyrdy. Ol elordada ötkızıletın aldyn alu ıs-şaralaryna şolu jasady. Atap aitqanda, qaladaǧy jedel jäne qoǧamdyq-saiasi ahualǧa ünemı monitoring jürgızıledı, qūqyq būzuşylyq profilaktikasy jäne qylmysqa qarsy küres boiynşa IID barlyq bölınısterı, Jergılıktı polisiia qyzmetı, Ūlttyq ūlan äskerlerı jūmyldyrylady. Bas qalamyzdyŋ tynyştyǧyn täulık saiyn Ūlttyq ūlan äskerlerın qosqanda bır jarym myŋ polisiia qyzmetkerı qadaǧalaidy.
Odan keiın mäslihat deputaty Zäure Jüsıpova söz alyp, elordalyq qūqyq qorǧau ökılderınıŋ äleumettık jaǧdaiyna qatysty mäselelerge toqtaldy. Al deputat Mūhtar Töleutaev esırtkıge qarsy küres şaralarynyŋ maŋyzdylyǧyna qatysuşylardyŋ nazaryn audardy.
Qala äkımınıŋ orynbasary Andrei Lukin köterılgen mäselelerdıŋ özektılıgıne män berıp, ony şeşu üşın qarastyrylyp jatqan jobalarǧa toqtaldy. Mäslihat deputattary qūqyqtyq tärtıptı küşeitu boiynşa oŋ nätijege jetuge yqpal etetın barlyq tetıkterdı qoldanyp, aldaǧy uaqytta osy salanyŋ qyzmetı basty nazarda bolyp, jan-jaqty qoldau körsetıledı degen toqtamǧa keldı.
Aigül UAISOVA