QOǦAMDYQ TÄRTIP TÜITKILDERI TALQYLANDY
Qalalyq mäslihattyŋ zaŋdylyq, qūqyq tärtıbı jäne qoǧammen jūmys mäselelerı jönındegı tūraqty komissiiasynyŋ müşelerı Işkı ıster departamentınde bolyp, elordadaǧy qoǧamdyq tärtıp saqşylarynyŋ jūmysymen tanysty.
N.Meşeriakovtyŋ töraǧalyq etuımen ötken köşpelı mäjılıste halyq qalaulylary aldymen Astana qalasy Işkı ıster departamentınıŋ bastyǧy, polisiia general-maiory Amantai Äubäkırovtı el täuelsızdıgınıŋ 22 jyldyǧy qarsaŋynda egemen elımız ben eŋselı elordamyzdy damytuǧa qosqan ülesı üşın QR Prezidentı atynan alǧan memlekettık nagradasymen qūttyqtady. Deputat Sapar Ahmetov bolsa, «Nūr Otan» partiiasy Töraǧasynyŋ bırınşı orynbasary B.Baibektıŋ atynan Alǧys hat tapsyrdy.
Odan ärı departament bastyǧynyŋ orynbasary, polisiia polkovnigı B.Esenbai elordada qoǧamdyq tärtıptı nyǧaitu jäne qylmystylyqtyŋ aldyn aludy küşeitu boiynşa jürgızılıp jatqan jūmystarǧa toqtaldy.
Elbasy özınıŋ jyl saiynǧy Qazaqstan halqyna Joldauynda osy mäselege erekşe köŋıl bölıp keledı. Būl rette atalmyş departament Memleket basşysy jüktegen mındetterdı barynşa sapaly ärı jedel jüzege asyru baǧytynda bas qalada tärtıp pen tazalyq ornatuǧa barynşa maŋyz berude. Sala qyzmetkerlerı qoǧamdyq tärtıptı saqtauda, azamattardyŋ konstitusiialyq qūqyǧy men bostandyǧyn qorǧauda barlyq küş-jıgerlerın salyp jür. Äŋgımenı osydan bastaǧan orynbasar bügıngı taŋda atqarylyp jatqan şaralardyŋ barlyǧy «EKSPO-2017» halyqaralyq mamandandyrylǧan körmesıne daiyndyq jäne ony ötkızuge orai qalada qauıpsızdıktı qamtamasyz etuge baǧyttalǧanyn jetkızdı. Rasynda, qazırgı taŋda qalada tärtıp būzuşylyqtardyŋ aldyn alu maqsatynda atqarylyp jatqan jūmys az emes. Sonyŋ ışınde, ūsaq būzaqylyqtar, qoǧamdyq orynda ışımdık ışu, temekı şegu, şemışke şaǧu, qoqys tastau, köpşılık oryndardy büldıru, özgelerdıŋ tynyştyǧyn būzu syndy faktorlarmen küres küşeitılgen. Köşelerde ornatylǧan beinekameralardyŋ osyndai zaŋ būzuşylardy anyqtauǧa paidasy zor. Ötken jyldyŋ qorytyndysy boiynşa 43 myŋ tärtıp būzuşylyq anyqtalsa, bügıngı taŋda olardyŋ sany 53 myŋnan asyp otyr, onyŋ 355-ıne qamauǧa alu türınde äkımşılık şara qoldanylǧan. Sondai-aq, jergılıktı atqaruşy organdarmen bırlese otyryp, öz aumaqtaryn abattandyrmaǧan ūiymdar, atap aitsaq, 89 PİK jetekşısı, 67 merdıger ūiym men 202 qūrylys nysany jauapkerşılıkke tartyldy.
Damyǧan qoǧam barlyq jerde tärtıp ornatudan bastalatynyn eskere kele, baiandamaşy osy salada kadrlardyŋ tūraqtamaityndyǧyn, äsırese, uchaskelık inspektorlardyŋ jetkılıksızdıgın aita kele, qūqyq qorǧau organdary qyzmetkerlerın äleumettık qoldau mäselesın köterdı. Sonymen bırge ämbebap poliseilerdıŋ jūmysyna da toqtaldy.
Syrttan aǧyluşylar qatarynyŋ köbeiuıne bailanysty qylmystyŋ ösuı, tūrǧylyqty jerı joq, köşe kezıp, tılemşılıkke salynǧan adamdar arasyndaǧy qūqyq būzuşylyqtardyŋ aldyn alu jūmystarynyŋ jetkılıksızdıgı halyq qalaulylaryn bei-jai qaldyra almady. Sonymen qatar, deputattar jaŋadan salynǧan tūrǧyn üi keşenderı aumaǧyna beinebaqylau kameralaryn ornatu jäne tūrǧyn üi keşenderın salu kezınde jerasty parkingterın qarastyrudy ūsyndy.