Nūr-Sūltanda halyqtyŋ äleumettık osal toptary sanatyndaǧy 300-den asa otbasy päter kıltterın aldy. Olardyŋ arasynda jetım balalar, 1 jäne 2 top mügedekterı, erekşe qajettılıkterı bar balalardy tärbielep otyrǧan otbasylar, zeinetkerler men özge de sanattaǧy azamattar bar.
«Jyldap kütken jaŋa päterlerıne köşıp jatqan är otbasynyŋ quanyşyna ortaqpyz. El basşylyǧy baspana mäselesıne erekşe nazar audarady. Keler jyldyŋ basynda bız tūrǧyndardyŋ äleumettık osal toptarynan kezekte tūrǧandarǧa päter kıltterın tabystaimyz. Sonymen qatar qoljetımdı tūrǧyn üi qūrylysynyŋ kölemın ūlǧaitamyz. Men sondai-aq ındetke qaramai jūmysyn jalǧastyrǧan qūrylysşylarymyzǧa alǧys aitamyn» dedı elorda äkımı Altai Kölgınov.
Biyl bırqatar tūrǧyn üi baǧdarlamalaryna özgerıster engızıldı. Mysaly, Qazaqstan ipotekalyq kompaniiasymen bırlesıp jüzege asyrylǧan tūrǧyn üi baǧdarlamasyna säikes, bılım jäne densaulyq saqtau salasynyŋ qyzmetkerlerınen basqa ört söndıruşıler, äleumettık qyzmetkerler, mädeniet jäne sport salasynyŋ mamandary, polisiia qyzmetkerlerı de äleumettık päter aluşylar tızımıne endı. Sonymen qatar tūrǧyndardyŋ äleumettık jaǧynan osal toptarynyŋ barlyq sanattary tūrǧyn üi sertifikatyn aluşylar qataryna qosyldy.
2021 jyldan tūrǧyn üi sertifikattarynyŋ kölemın 1 millionnan 1,5 million teŋgege deiın arttyru josparlanuda.
