Elordada Respublika künı merekesınde bır top üleskerler köpten kütken päterlerın alyp, qonys toiyn toilady. Biyl elordada qūrylysy ūzaqqa sozylǧan 30-dan asa tūrǧyn üi keşenı paidalanuǧa berıledı.
Tūrǧyndary kıltın alǧan «Altyn būlaq» tūrǧyn üi keşenınıŋ qūrylysy sonau 2014 jyly bastalǧan.
«Bız 10 jylǧa juyq tarihy bar qūrylysy ūzaqqa sozylǧan nysandy aiaqtadyq. «Altyn būlaq» tūrǧyn üi keşenınıŋ qūrylysy sonau 2014 jyly bastalǧan. Üidıŋ 5 blogy salynuy kerek edı. Al üleskerler sany – 400-ge juyq otbasy. Tūrǧyn üi keşenın ötkızgen kezde qūrylysynyŋ 20 paiyzy ǧana aiaqtalǧan. Osylaişa, tūrǧyn üi keşenınde auqymdy jūmys jürgızıldı, sebebı qūrylysynan bölek garajdardy satyp alu, injenerlık jelılerdı tolyqtai ornatu, qūjattardy retke keltıru jäne t.b. qajet boldy» dep jazdy Astana qalasynyŋ äkımı Jeŋıs Qasymbek özınıŋ äleumettık paraqşasynda.
Qala basşysynyŋ sözınşe, biyl qūrylysy ūzaqqa sozylǧan 30-dan astam tūrǧyn üi keşenınde jūmys aiaqtalady.
«Respublika künı päter kıltın 2, 3, 4 blok üleskerlerı aldy. 1 jäne 2 bloktarda jūmys jürıp jatyr. Biyl qūrylysy ūzaqqa sozylǧan 30-dan astam tūrǧyn üi keşenın aiaqtaudy josparlap otyrmyz. Būl – 4 myŋǧa juyq ülesker otbasy. Būl üilerdıŋ bır bölıgı salynyp bıttı. Osyǧan deiın 12 myŋǧa juyq ülesker otbasynyŋ mäselesı şeşılgen bolatyn. Būl – 120 tūrǧyn üi keşenı. Qūrylysy ūzaqqa sozylǧan nysandardyŋ aiaqtaluy – Memleket basşysynyŋ baqylauynda» dedı elorda äkımı.
