Nūr-Sūltan qalasynda 2022 jyldan bastap qoqysty qaita öŋdeitın zauyt salu jobasy ıske asyrylady. Būl turaly Ükımet otyrysynda mälım boldy. Premer-ministr Asqar Maminnıŋ töraǧalyǧymen ötken Ükımet otyrysynda ekologiia jäne qorşaǧan ortany qorǧau mäselelerı qaraldy.
2022 jyldan bastap Nūr-Sūltan, Almaty, Şymkent, Öskemen, Aqtöbe jäne Qaraǧandy qalalarynda qoqysty qaita öŋdeu zauyttaryn salu jobalary ıske asyryla bastaidy. Atmosferalyq aua sapasyn jaqsartu, qaldyqtardy basqaru jüiesın jetıldıru, eldıŋ su obektılerınıŋ ekojüielerın, bioaluantürlılıktı saqtau jäne erekşe qorǧalatyn tabiǧi aumaqtardy damytu jönındegı şaralar «Jasyl Qazaqstan» ūlttyq jobasynda közdelgen.
Ükımet basşysy Ūlttyq ekonomika ministrlıgıne 2022 jyldyŋ 1 säuırıne deiın kömırtektık beitaraptyqqa qol jetkızu jönındegı strategiianyŋ pysyqtalǧan jobasyn engızudı tapsyrdy. Ekologiia ministrlıgıne äkımdıktermen bırlesıp, qoldanystaǧy zaŋnamanyŋ jaŋa talaptaryna säikes qūrylys poligondaryn qūru mäselesın pysyqtau, sondai-aq elımızdıŋ 10 qalasynda ırı käsıporyndardyŋ lastauşy zattar şyǧaryndylaryn azaitu körsetkışterıne qol jetkızu jäne jol kartalaryn äzırleu boiynşa şaralar qabyldau tapsyryldy. Energetika ministrlıgıne äkımdıktermen bırlesıp, jeke sektor men şaruaşylyq jürgızuşı subektılerdı gazdandyru mäselelerın jandandyru tapsyryldy.
Nur Otan partiiasynyŋ sailaualdy baǧdarlamasyna säikes 2025 jylǧa qarai halyqty gazdandyru ülesı 60 paiyzǧa jetedı, 11,7 mln adam gazǧa qol jetkızedı. Barlyq öŋırlerdıŋ äkımdıkterıne ekologiialyq jaǧdaidy jaqsartu jönındegı Jol kartalary şeŋberınde 2021 jylǧa josparlanǧan barlyq ıs-şaralardyŋ oryndaluyn qamtamasyz etu tapsyryldy.
