Elordanyŋ tuǧan künıne orai bırtalai saltanatty ıs-şaralar ūiymdastyryp jatyr. Sonyŋ bırı – «Nūr-Sūltan qalasynyŋ qūrmettı azamaty» ataǧyn beru saltanaty. Keşe osyndai şara bas qala äkımdıgınde öttı.
– Elordanyŋ tuǧan künıne orai osy qalanyŋ äleumettık-ekonomikalyq damuyna qomaqty üles qosqan, belsendı memlekettık jäne qoǧamdyq qyzmet atqarǧan jandarǧa «Nūr-Sūltan qalasynyŋ qūrmettı azamaty» ataǧyn beru – oryndy şara. Būl ataq mäslihat deputattarymen, Qoǧamdyq keŋes müşelerımen talqylanyp, olardyŋ şeşımı boiynşa osy marapatqa qos azamattarymyz bırauyzdan laiyq dep tanyldy, – dedı qala äkımı Altai Kölgınov.
Janqiiarly Jaŋbyrşy
Qūrmettı ataqqa ie bolǧan azamattyŋ bırı – tehnika ǧylymdarynyŋ kandidaty, QR käsıpodaqtary qūrmettı belgısınıŋ iegerı Jaŋbyrşy Nürkenov. Ol kısı 1946 jyly 6 şılde künı Selinograd oblysy Krasnoznamensk audanynyŋ Qosköl auylynda düniege kelgen. Mekteptı bıtırgennen keiın traktorşy bolyp jūmys ıstedı, Selinograd oblysy Teŋız audanynyŋ «Barşyn» sovhozynda qoi baqty, komsomol-jastar brigadasyn basqardy. 1965-1970 jyldary Selinograd auylşaruaşylyǧy institutynda oqydy, ony bıtırgen soŋ 1970-1986 jyldary komsomol, partiia ūiymdarynda
qyzmet ettı. Selinograd oblystyq komsomol komitetınıŋ hatşysy, Astrahan partiia auatkomynyŋ ekınşı hatşysy, auatkom töraǧasy bolyp sailandy, Selinograd oblystyq partiia komitetı men oblatkom apparatynda jūmys ıstedı.
1986-1997 jyldary öndırıste – Selinograd oblysynyŋ auyl şaruaşylyq sumen jabdyqtau toptyq jüiesınıŋ qūrylysy jäne paidalanuy boiynşa öndırıstık bırlestıkte. 1997-1999 jyldary – Qazaqstan Respublikasy Su resurstary jönındegı komitettıŋ Esıl su şaruaşylyǧy bırlestıgınıŋ bastyǧy. 1999 jyldyŋ 25 aqpanynan bastap «Qalalyq su arnasy» trestınıŋ bastyǧy boldy. 2000 jyldyŋ 14 qyrküiegınen bastap «Astana su arnasy» memlekettık kommunaldyq käsıpornynyŋ bas direktory bolyp jūmys ıstedı. Onyŋ basşylyǧymen elordanyŋ sumen jabdyqtau jäne kärız jüiesın qaita qūru, osy käsıporynnyŋ materialdyq-tehnikalyq bazasyn nyǧaitu, äleumettık mäselelerdı şeşu boiynşa jūmystar jürgızıldı.
Jaŋbyrşy Nürkenov bırneşe ret audandyq jäne oblystyq Halyq deputattary keŋesınıŋ deputaty bolyp sailandy. 2000 jyldan berı Astana qalasy mäslihatynyŋ üş şaqyrylymynyŋ deputaty boldy. «S.Seifullin atyndaǧy Qazaq memlekettık agrotehnikalyq universitetınıŋ Qūrmettı professory» ataǧyn ielengen. Halyqtar dostyǧy ordenımen, «Eŋbek üzdıgı», «Astana», «Qazaqstan Respublikasynyŋ täuelsızdıgıne 10 jyl», «Eren eŋbegı üşın» jäne basqa medaldarmen marapattalǧan.
Parasatty Petuhova
«Nūr-Sūltan qalasynyŋ qūrmettı azamaty» ataǧymen marapattalǧan ekınşı adam – Nūr-Sūltan qalasynyŋ örkendeuı men damuyna qosqan qomaqty ülesı, belsendı memlekettık jäne qoǧamdyq qyzmetı üşın Euraziialyq medisinalyq qauymdastyqtyŋ vise-prezidentı – Petuhova
Nadejda Mihailovna.
N.M.Petuhova 1953 jyly 24 qyrküiekte Lugansk oblysynyŋ Popasnaia qalasynda (Ukraina) tuǧan. Selinograd memlekettık medisina institutyn 1977 jyly bıtırgen.
Eŋbek jolyn 1977 jyly Selinograd qalasynyŋ № 1 qalalyq balalar auruhanasynda uchaskelık pediatr bolyp bastaǧan. Därıger-inspektor, emdeu-profilaktikalyq sektorynyŋ bastyǧy, al 1988-1994 jyldary oblystyq densaulyq saqtau bölımınıŋ tuu kezınde kömek körsetu jäne balalyq şaq meŋgeruşısınıŋ orynbasary; 1994-2012 jyldary
№ 1 qalalyq balalar auruhanasynyŋ bas därıgerı bolyp qyzmet atqarǧan.
Astana qalasy mäslihatynyŋ üş şaqyrylymynyŋ deputaty bolyp sailandy (1999-2012 j.j.). 2012-2016 jyldary – Nur Otan partiiasy atynan Qazaqstan Respublikasy Parlamentı Mäjılısınıŋ 5-şaqyrylymnyŋ deputaty.
2016 jyldan bastap Euraziialyq medisinalyq qauymdastyqtyŋ vise-prezidentı bolyp tabylady. Qazaqstan Respublikasy densaulyq saqtau ısınıŋ üzdıgı. Densaulyq saqtaudy ūiymdastyrudyŋ äleumettık gigiena boiynşa joǧary sanatty därıgerı. Medisinanyŋ özektı mäselelerı boiynşa halyqaralyq sertifikattardyŋ iesı.
N.M.Petuhova «Qūrmet» ordenımen, Qazaqstan Respublikasynyŋ mereitoilyq medaldarymen, «Altyn därıger» jäne
«Nūr Otan» partiiasynyŋ «Belsendı qyzmetı üşın» tös belgılerımen marapattalǧan.
