Bas qala äkımdıgınde Nūr-Sūltan qalasy jäne Qosşy eldı mekenı qoǧamdyq keŋesı men mäslihatynyŋ bırlesken otyrysy ötıp, oǧan elorda men Aqmola oblysynyŋ atqaruşy jäne uäkılettı organdarynyŋ ökılderı qatysty. Otyrys barysynda Qosşy eldı mekenındegı su tapşylyǧy mäselesı söz boldy.
– Biyl sumen jabdyqtaudyŋ 4-kezegınıŋ taratu jelılerıne 1,5 mlrd teŋge bölındı, bıraq mūnymen mäsele şeşılgen joq, öitkenı bızdıŋ eldı mekende su jetıspeidı. Būl mäselenı keiınge qaldyruǧa bolmaidy, sumen jabdyqtaudyŋ ünemı toqtap qaluy tūrǧyndardy qatty alaŋdatuda. HHI ǧasyrda ömır sürıp otyrǧanymyzdy ūmytpasaq eken. Qoǧam qazırgıdei qaryştap damyǧan zamanda mūndai problemalar bolmauy kerek dep esepteimın. Qazır jaŋa jobany qarastyryp, su közın tabuymyz qajet, – dedı Aqmola oblystyq mäslihatynyŋ deputaty Sairaş Mataibaeva.
Qosşy eldı mekenınen kelgen ökılder būl mäselenı şeşudıŋ bırden-bır joly elordanyŋ sumen jabdyqtau jelılerıne qosylu dep sanaidy. Al qalalyq mäslihat hatşysy Erlan Kanalimov atalǧan mäsele boiynşa jūmys tobyn qūrudy ūsyndy. Jaǧdaidy şeşu üşın Qosşy qalasynyŋ bas josparyn äzırleu qajet. Sonymen qatar Qosşy eldı mekenınıŋ tūrǧyndaryn qatty tūrmystyq qaldyqtar mäselesı de erekşe alaŋdatyp otyr. Mäselen, Taitöbe auylynda rūqsat etılmegen qoqys üiındılerınıŋ jabyluyna bailanysty tasymaldau, sūryptau, kömu, qoqysty kädege jaratu jäne t. b. syndy qosymşa şyǧyndar paida boldy.
Erlan Kanalimovtyŋ aituynşa, bügıngı taŋda elordalyq poligon 80 paiyzǧa tolǧan jäne būl mäsele bas qalany da qatty tolǧandyryp otyr, şahar poligony tolyq tolǧan jaǧdaida ne ısteu kerektıgı turaly oilanu qajet. Alaida Aqmola oblysynyŋ deputattary Qosşydaǧy köptegen mäseleler Nūr-Sūltan qalasynyŋ äkımdıgı aralaspaiynşa şeşılmeitının alǧa tartty.
