Osy aptada Nūr-Sūltan qalasy mäslihatynyŋ tūraqty komissiialary elordanyŋ 2022 jylǧa arnalǧan biudjetın naqtylaudy bastady. Alǧaşqy bolyp Polisiia departamentı, qala äkımı apparaty, Işkı saiasat, Jastar saiasaty mäselelerı, Dın ısterı basqarmalarynyŋ ötınımderı tyŋdaldy. Jiynǧa qala äkımınıŋ orynbasary Eset Baiken qatysty.
– Qasırettı qaŋtar oqiǧasynan keiın Memleket basşysy qūqyq qorǧau organdaryn materialdyq-tehnikalyq qamtu jetkılıksız bolyp otyrǧanyn atap ötıp, olardyŋ qajettılıkterın 100 paiyz jabudy tapsyrdy. Onyŋ aldynda Nūr-Sūltan qalasy mäslihaty deputattarynyŋ ūsynystaryn esepke alyp, qala äkımdıgımen bırge qylmyspen küreske, qoǧamdyq tärtıp pen qauıpsızdıktı saqtauǧa baǧyttalǧan şaralar josparyn äzırledık. 2022-2024 jyldarǧa arnalǧan būl jospar ötken jyldyŋ 10 jeltoqsanynda bekıtıldı. Osy josparǧa säikes departamentke 2022 jyly biudjetten qosymşa 3,5 milliard teŋge kerek, – dedı qalalyq Polisiia departamentı bastyǧynyŋ orynbasary Eldar Daniiarov.
Onyŋ aituynşa, osynyŋ aldyndaǧy naqtylauda vedomstvoǧa qosymşa 2 mlrd teŋge bölıngen. Būl qarjy art-tehnikalyq qaru mülkı, bailanys qūraldaryna, kompiuter tehnikasyna, Saryarqa audany Polisiia basqarmasyna M.Äuezov, 40 mekenjaiynda ǧimarat satyp aluǧa baǧyttaldy.
Al endıgı qosymşa sūralyp otyrǧan 3,5 mlrd teŋge qyzmettık kölıkter, art-tehnikalyq qaru mülkı, bailanys qūraldary, sifrlandyru boiynşa jabdyqtardy satyp aluǧa, polisiia qyzmetkerlerıne baspanany jaldap tūruǧa kerek. Qazırgı kezde qalalyq Polisiia departamentı avtökölıktermen 77 paiyzǧa, art-tehnikalyq qaru mülkımen 76 paiyzǧa, bailanys qūraldarymen 67 paiyzǧa, kompiuterlık tehnikamen 72 paiyzǧa, mobildı planşettermen 34 paiyzǧa qamtylǧan.
– Bırınşı kezektegı mäselelerdı şeşu üşın materialdyq-tehnikalyq bazamyzdy älı de küşeitu kerek. Atap aitqanda, su şaşatyn qondyrǧysy bar kölık qajet. Bıraq būl tehnika arzan emes, öndıruşı elge qarai baǧasy – 200-400 million teŋge kölemınde. Nariadty tasymaldau üşın mikroavtobustar, patruldı polisiia polkın tasymaldauǧa avtobustar kerek. Patruldı polisiia polkıne jaŋa ǧimarat ta satyp alu kerek. Qazır olar otyrǧan ǧimarat eskı, 1964 jyly salynǧan. Ony sürıp, jolairyq salu josparlanyp otyr. «Quat» sport keşenın jaŋǧyrtu kerek. Būl ǧimarat äbden tozyǧyna jetıp, eskırdı. Mūnda bügınderı polisiia qyzmetkerlerıne dene şynyqtyrumen ainalysuǧa mümkındık bolmai kettı. K.Kümısbekov, 5 köşesındegı jedel äreket etudıŋ arnaiy jasaǧynyŋ ǧimaraty tolyǧymen jaŋǧyrtyldy, – dedı E.Daniiarov.
Qala äkımdıgı apparatynyŋ bölım meŋgeruşısı Ainagül Yqsan sailau üderısıne qatysuşylardy oqytu baǧdarlamasy boiynşa 2 mln 474 myŋ teŋge kerektıgın jetkızdı. Būl jyl saiyn ötetın üderıs eken. 2020 jyly osyndai oqudan 120 adam, 2021 jyly 90 adam ötken. Biyl taǧy 90 adam oqytylmaq.
Qalalyq Işkı saiasat basqarmasyna 2022 jyly qosymşa 220 mln teŋge kerek. Būl turaly atalmyş basqarma basşysy Däuren Babamūratov baiandady. Sonyŋ ışınde memlekettık aqparattyq saiasatty jürgızuge 165 mln teŋgege juyq qarjy qajet. Al qalalyq Qazaqstan halqy Assambleiasynyŋ qyzmetın qamtamasyz etuge 6 mln 441 myŋ teŋge kerek.
Qalalyq Jastar saiasaty mäselelerı basqarmasynyŋ basşysy Qairat Qambarov osy jyly qosymşa 193 mln 231 myŋ teŋge qajettıgın jetkızdı. Sonyŋ ışınde «Özıŋnen basta» jobasyna 20 mln teŋge qajet.
– Būl joba elorda jastary arasynda alaiaqtyqqa, dıni ekstremizmge jäne qūmar oiyndarǧa qarsy ıs-qimyl boiynşa tüsındıru jūmystaryn jürgızuge baǧyttalǧan. Joba aiasynda esırtkıge jäne alkogolge täueldı pasientterdı emdeu oryndary boiynşa praktikalyq jūmys jäne köşpelı ıs-şaralar jürgızıledı, – dedı Q.Qambarov.
Onyŋ aituynşa, ekınşı joba «Book fest» atalady. Būl joba aiasynda otandyq qalamgerlermen kezdesuler ötkızıledı. Jobany jüzege asyruǧa 10 mln teŋge kerek. Jazuşylarmen jüzdesulerden bölek kıtap järmeŋkesı, jaŋa kıtaptardy talqylau, jaŋa kıtaptardyŋ tūsaukeserı ūiymdastyrylmaq. Al «Jaŋa beles fest» jobasyna 30 mln teŋge qajet. Būl – joǧary jäne arnauly orta oqu oryndary studentterı men jastarǧa arnalǧan şyǧarmaşylyq festival.
– Festival mädeniet pen önerdı, köşbasşylyq daǧdylar men kommunikativtı damytu, jastar arasynda talanttardy anyqtau maqsatynda ötkızıledı. Būl joba şyǧarmaşylyq jäne sporttyq äleuettı ıske asyratyn, studentter arasynda dostyq qarym-qatynasty nyǧaitatyn pıkırtalas alaŋy, – dedı Jastar saiasaty mäselelerı basqarmasynyŋ basşysy.
Būl basqarma jalpy qūny 15 mln «Meikaton Nūr-Sūltan» äleumettık jobasyn da ıske asyrmaq. Sonyŋ aiasynda 72 saǧattyq marafon ötkızıledı. Onda önertapqyştar, injenerler men därıgerler mümkındıgı şekteulı adamdardyŋ ömırın jeŋıldetetın qūrylǧylardy jasaidy. Joba negızgı ekı kezeŋnen tūrady.
Kelesı «Strit sport» atalatyn joba marginal jastarmen jūmysqa baǧyttalmaq. Būǧan 25 mln teŋge kerek. Sonyŋ şeŋberınde mädeni-sporttyq ıs-şaralar, köşe sporty boiynşa jarystar, vorkaut, breiking, skeitbording, panafutbol, tegbol saiystary ötkızıledı. Al «Bolaşaqqa jol» jobasy – naşaqorlyq pen özıne qol jūmsau äreketıne qarsy baǧyttalǧan keşendı joba. Sondai-aq «Jastar kemp», «Ūrpaqtar sabaqtastyǧy» siiaqty jobalar bar.
– Ötken jyldan berı aula klubtaryn aqyryndap bırınşı qabatqa şyǧaryp jatyrmyz. Qaŋtar aiynda qarajat bölındı. Jöndeu jūmystaryn endı bastap jatyrmyz. Almaty audany boiynşa Abylaihan daŋǧyly men Jūbanov köşelerındegı aula klubtaryn jöndeuge qosymşa qarjy kerek. «Jas qanat», «Astana bäiterek» aula klubtaryna kürdelı jöndeu jūmystary jürgızıletın bolady, – dedı Q.Qambarov.
Osyǧan orai qalalyq mäslihat deputaty Erlan Däkenov şetkı aimaqtarda tūratyn balalardy aula klubtarymen qamtudy ūmytpau kerektıgın aitty.
– Tūrǧyn alaptar halqymen, belsendı tūrǧyndarymen kezdesken kezımızde «Kirpichnyi», «Oŋtüstık şyǧys», «Prigorodnyi» halqy aula klubtary kerektıgı mäselesın kötergen edı. «Prigorodnyida» aula kluby bar. Bıraq öte tar, bar bolǧany üş bölme. Al «Kirpichnyi» men «Oŋtüstık şyǧysta» bırde-bıreuı joq. Osy mäselelerdı qarastyryŋyzdar. Aula klubtary qajet bolǧan soŋ, tūrǧyndar jiı olardy aşu turaly ötınış aitady, – degen qalalyq mäslihat hatşysy Erlan Kanalimov kolledjder tülekterın jūmysqa tūrǧyzuǧa erekşe köŋıl bölu kerektıgın aitty.
Jastar saiasaty mäselelerı basqarmasynyŋ basşysy Qairat Qambarov juyrda «Kirpichnyida» aula klubyn aşu josparlanǧanyn jetkızdı.
Qalalyq Dın ısterı basqarmasynyŋ basşysy Nūrdäulet Älmūhanov atalmyş basqarmaǧa qosymşa 8 mln 450 myŋ teŋge qajettıgın aita kele, onyŋ basym bölıgı jergılıktı deŋgeide dıni qyzmet salasynda saiasatty ıske asyruǧa qajettıgın atap öttı.
