Astana Innovations «Digital innovation and transformation» JŞS Almaty audanynyŋ äkımdıgımen bırlesıp, alǧaşqy medisinalyq kömek körsetu üşın QR bılezıkter boiynşa qanatqaqty jobany ıske qosady.
QR bılezıkter – densaulyq jaǧdaiy boiynşa esepte tūrǧan adamdarǧa arnalǧan kömek qūrylǧysy. Būl bılezık alǧaşqy medisinalyq kömek körsetu üşın pasient turaly aqparatty jedel ūsynuǧa arnalǧan.
Eger adam esınen tanyp qalsa nemese basqa da qiyn jaǧdailarda Smart Astana qosymşasy arqyly bılezıktegı QR-kodty skanerleu qajet. Onda Damumed jüiesınen pasient turaly tolyq aqparat şyǧady jäne senımdı tūlǧaǧa geolokasiiany körsete otyryp, jaǧdai turaly SMS-habarlama jıberıledı.
Jobany ıske asyru üşın Astana Innovations jäne Nūr-Sūltan qalasynyŋ №15 qalalyq emhanasynyŋ ökılderı kezdesu ötkızıp, osy medisinalyq mekemenıŋ alaŋynda servis pen pilottau mümkındıkterın talqylady.
Qazır №15 qalalyq emhanaǧa 140 dana QR bılezık berıldı. Önımdı osy emhananyŋ därıgerlerı synaqtan ötkızedı. Sodan keiın pasientterge paidalanu üşın beredı.
