Asa qamqor, erekşe meiırımdı Allanyŋ atymen bastaimyn!
Qūrmettı qauym!
Barşaŋyzdy qasiettı Qūrban aittyŋ keluımen qūttyqtaimyn. Ait qabyl bolsyn! Otbasylaryŋyzǧa baq-bereke, yrys pen yntymaq, Allanyŋ amandyǧyn tıleimın!
Qūrban ait – iısı mūsylmannyŋ ūlyq meiramy. Ait künderı aǧaiyn-jūrt bır-bırıne: «Ait qabyl bolsyn!» aityp, ızgı tılekterın jetkızıp, alǧystaryn jaudyrady. Osy rette sızderge ızgı nietpen Jaratqannyŋ jaqsylyǧyn tıleimın.
«Qūrban» sözı «jaqyn bolu», «jaqyndau» degen ūǧymdardy bıldıredı. Mūsylman balasy ait künı qūrbandyq şalu arqyly Allaǧa degen aq nietın paş etedı. Öitkenı Alla Taǧala qasiettı Qūranda: «Ūmytpaŋdar, olardyŋ etı de, qany da eşqaşan Allaǧa jetpeidı. Oǧan jetetın närse – jürekterıŋızge ūialaǧan taqualyqtaryŋ (şynaiy nietterıŋ)» («Haj» süresı, 37-aiat) dep adal niettıŋ maŋyzdylyǧyn atap ötken.
Qūrban aitta oryndalatyn eŋ qaiyrly amal – qūrban şalu. Ait künı jaǧdaiy bar kısıler qūrban şalyp, ony qarausyz qalǧan qariialar men jetımderge, köpbalaly otbasylarǧa taratyp, sauap aluǧa tyrysady. Alaida ait künderı mal baǧasy qymbattap ketetın jaǧdai jiı oryn alady. Osy rette otandastarymdy mal baǧasyn şaryqtatpai, paidaǧa emes, sauapqa bölenuge ündeimın. Öitkenı Qūrban ait – qanaǧat pen qaiyrymdylyqtyŋ merekesı.
Alla Taǧala barşamyzdy aittan aitqa aman-esen jetkızıp, ızgı ıster men quanyşty sätterde basqosuymyzdy näsıp etkei! Äumin!
Serıkbai qajy ORAZ,
Qazaqstan mūsylmandary dıni basqarmasynyŋ töraǧasy, Bas müfti
