Ükımet basşysy Asqar Mamin Nūr-Sūltan qalasynda ModeX üi qūrylysy kombinatynyŋ avtomattandyrylǧan konveierlık jelısın aşty. Is-şaraǧa Nūr-Sūltan qalasynyŋ äkımı A.Kölgınov qatysty.
Käsıporynda qūrylys merzımın qysqartuǧa, onyŋ sapasyn arttyruǧa jäne tūrǧyn üidıŋ özındık qūnyn tömendetuge mümkındık beretın, AQŞ, Singapur jäne Germaniiada qoldanylatyn ırı blokty üi qūrylysynyŋ innovasiialyq tehnologiialary engızılgen. Moduldık bloktar tūrǧyn üi keşenderın, kottedjderdı, äleumettık infraqūrylym obektılerın, onyŋ ışınde oqu oryndaryn, sauda pavilondaryn, qyzmettık üi-jailardy jäne t.b. saluda da paidalanylady. Irı blokty üi qūrylysy klimattyq jaǧdailarǧa täueldı emes, öitkenı jūmystyŋ 90 paiyzy – armatura bailamynan bastap taza ärleude modulderdı qalyptastyruǧa deiın käsıporynda jüzege asyrylady, būl barlyq prosesterdı edäuır jyldamdatady. Mäselen, bolaşaqta taza ärleudegı 16 qabatty tūrǧyn üidı salu üşın tek tört ai uaqyt qajet bolady. Modulderdı öndıruge qajettı negızgı material – keramzitbeton. Käsıporynnyŋ temırbeton önımı «QazQSǦZİ» AQ-nyŋ joǧary berıktıgı men ūzaq merzımdılıgıne jasalǧan synaǧynan sättı öttı. Köpsatyly operasiialyq baqylaudyŋ jäne avtomattandyrudyŋ joǧary deŋgeiınıŋ arqasynda joǧary sapaly önımge qol jetkızıledı.
BI Group qūrylys holdingınıŋ enşıles käsıporny – üi qūrylysy kombinatynyŋ jobalyq quattylyǧy jylyna 200 myŋ şarşy metr tūrǧyn üidı qūraidy. 2023 jylǧa deiın jalpy jobalyq quaty 500 myŋ şarşy metr tūrǧyn üidıŋ üş kezegın salu közdelgen. Kombinat 1 myŋnan astam jūmys ornyn aşady. Aldaǧy uaqytta Almaty men Şymkentte ırı blokty üi qūrylysy zauyttaryn aşu josparda bar. «Irı blokty üi qūrylysy Qazaqstannyŋ qūrylys salasyn damytuǧa serpın beredı jäne elımızdıŋ tūrǧyn üi jäne äleumettık infraqūrylymyn salu kölemın keŋeitu jönındegı mındetterdı şeşuge yqpal etedı» dedı Ükımet basşysy.
