Demalys künderı Nūr-Sūltan qalasynyŋ äkımı Altai Kölgınov elordada jürgızılıp jatqan köpırdıŋ, jol jäne kommunaldyq infraqūrylymnyŋ qūrylys jūmystary barysyn tekserdı.
Qala basşysy №26,27,29,38 jäne 356 jobalyq ataulary bar köşelerge bardy. Būl köşelerde bügınde asfalt töseu, nöserlı kanalizasiiasyn tazartu, su qūbyrynyŋ syrtqy injenerlık jelılerın, jylu jelılerın töseu, sondai-aq trotuarlyq jabyndy ornatu boiynşa jūmystar jürgızılude. №29 köşenıŋ asfalttalǧan joly qalanyŋ eŋ qauyrt uchaskelerın jeŋıldetuge mümkındık beredı. Jūmys aiaqtalǧannan keiın osy aumaqta avtobus qozǧalysyn ıske qosu, aialdamalar ornatu josparlanuda, äleumettık nysandarǧa ötu aitarlyqtai jeŋıldetıledı.
Sonymen qatar qala äkımı «Şar-qūrylys» kompaniiasy salyp jatqan üi qūrylysy jūmysynyŋ barysyn tekserdı. «Baǧystan» tūrǧyn üiınde 500-den asa üleskerler bar. Ǧimarat 6 bloktan tūrady. Soŋǧy bloktarda monolittı jäne şatyr jūmystary jürgızılude. Qabyrǧalardy ärleuge kırısıp kettı. Üidıŋ jobalyq-smetalyq qūjattary bar, eskizder daiyn. Elorda äkımı injenerlık jelıler men jol qūrylysyn josparly türde aiaqtau qajet ekenın atap öttı. Būl nysannyŋ qūrylysy kelesı jyly aiaqtalady dep josparlanyp otyr.
Äkım keşegı taŋertengı aralau kezınde ekı mektepke baryp, qūrylys jūmystary barysymen tanysty. Mäselen, №28 mekteptıŋ qosymşa ǧimaratynyŋ qūrylysy jürgızılude. Jaŋa korpus 300 orynǧa eseptelgen. Sondai-aq qosymşa ǧimaratta sport zal, ashana bolady. Korpus qazan aiynda aşylady. Mektep aumaǧynda oiyn alaŋy ornatylady. Taŋǧy aralau aiasynda qala basşysy barǧan ekınşı oryn №67 mektep boldy. A. Kölgınov mektepke qauıpsız kıreberıs jolyn salu qajettılıgı turaly aitty. «Mektepterdı salyp jatyrmyz, bıraq kıreberıs joldary turaly oilamaimyz. Osyndai mäsele №75 mektebınde bar. Tūrǧyzǧan jaŋa qūrylystar janynda, dūrys jol joq. Ata-analar men oquşylarǧa aulalar arqyly baruǧa tura keledı. Oqu oryndaryna qauıpsız joldar salu, kölıkke arnalǧan tūraq oryndaryn oilastyru qajet» dedı Altai Seidırūly. Būdan basqa, ata-analar men oquşylardyŋ yŋǧailylyǧy üşın bırneşe jerde darbazalary aşylady. Aldaǧy 5 jylda elordada 40-qa juyq bılım beru nysany salynady.
