Astana qalasy mäslihatynyŋ biudjet, ekonomika, önerkäsıp jäne käsıpkerlık mäselelerı boiynşa tūraqty komissiiasynyŋ kezektı otyrysynda äleumettık jäne tūrǧyn üi qūrylysy salalaryndaǧy investisiialyq jobalardyŋ jüzege asyryluy men qaladaǧy bouling oiyny jolaqtaryna salynatyn salyq mäselesı qaraldy.
Bırınşı mäsele boiynşa Astana qalasy qūrylys basqarmasynyŋ basşysy Talǧan Ryspekov baiandama jasady.
– Elordada soŋǧy üş jylda 15 mektep, 19 balabaqşa, densaulyq saqtau salasynda 10 nysan paidalanuǧa berıldı. Tūrǧyn üi qūrylysy boiynşa 312,5 myŋ şarşy metr tūrǧyn üi nemese 5619 päter, onyŋ ışınde 3209 päter aimaqtardy damytu baǧdarlamasy negızınde paidalanuǧa berıldı, – dep bastady basqarma basşysy deputattardyŋ nazaryna ūsynǧan baiandamasyn.
Jalpy qalalyq qūrylys basqarmasy köp päterlı üilerge kommunikasiia jüiesın ötkızu, sondai-aq Esıl özenı uchaskelerın qaita jaraqtandyru boiynşa belgılengen kestege säikes tyŋǧylyqty jūmys atqarǧan. Bügıngı taŋda basqarma qala mektepterındegı tyǧyzdyq problemasyn azaituǧa bailanysty jūmystar jürgızude. Atap aitqanda, qaladaǧy №32, 37, 16 mektepterı janynan qosalqy ǧimarattardyŋ qūrylystaryn jürgızude.
Qalada 500 orynǧa arnalǧan jaŋa tuberkulezge qarsy dispanserdıŋ qūrylysy qarqyndy jürgızılude.
Bügınde qala boiynşa 9 köp päterlı tūrǧyn üidıŋ qūrylysy boi köterıp keledı. Būl üilerde 2068 päter bolady. Jaŋa üiler 2016 jyldyŋ soŋyna deiın paidalanuǧa berıletını josparlanyp otyr.
Otyrys barysynda deputattar tarapynan 2008-2010 jyldarǧa arnalǧan memlekettık tūrǧyn üi baǧdarlamasy boiynşa salynuǧa tiıs üilerdıŋ qūrylysy qaşan aiaqtalady degen saual qoiyldy. Basqarma basşysy T.Ryspekov būl baǧytta tyŋǧylyqty jūmys jürgızılıp jatqanyn, atap aitqanda baǧdarlama boiynşa 310 päterdı tapsyru ǧana qalǧanyn, būl baspanalar jaqyn arada paidalanuǧa berıletının jetkızdı.
Sonymen qatar, basqarma basşysy jaŋadan salynyp jatqan jalpy bılım beretın käsıptık oqu ortalyǧynyŋ qūrylysyna bölıngen qarajattyŋ jartysy igerılgenın, al qūrylys jūmysy 2017 jyly aiaqtalatynyn mälım ettı.
Kün tärtıbıne qoiylǧan ekınşı mäsele boiynşa Astana qalasy Käsıpkerler palatasynyŋ ökılı Nūrjan Bukin deputattar qarauyna qaladaǧy bouling-klubtardyŋ ūjymdyq ötınışın jetkızdı. Būl rette qaladaǧy bouling oiyndary jolaqtaryna salynatyn salyq kölemın tömendetu mäselesı ūsynylǧan. Osy oraida respublika boiynşa Astanada eŋ köp salyq mölşerı qoiylyp otyrǧany alǧa tartyldy. Atap aitqanda, elordadaǧy boulingtıŋ bır jolaǧyna 72 ailyq esepteu körsetkışı kölemınde salyq belgılengen eken. Astanadaǧy bouling klubtarynyŋ ökılderı būl jaǧdaida atalǧan käsıpkerlıktı, iaǧni bouling oiynyn damytu qiynǧa soǧatynyn aitady.
Bügıngı taŋda Astana qalasynda 5 bouling kluby tırkelse, onyŋ bıreuı jūmys ıstemei tūr eken. Būl klubtardyŋ barlyǧyn qosqanda 28 oiyn jolaǧy ıske qosylǧan.
Atalǧan mäsele töŋıregınde qyzu talqylau ötıp, nätijesınde deputattar memlekettık kırıs organdaryna bouling jolaqtaryna hronometrajdy tekseru jürgızudı, sodan keiın tüpkılıktı şeşım qabyldau jönınde ūsynys jasady. Osylaişa, būl mäsele taǧy da tiianaqtalyp, qaita qaralatyn boldy.
Ǧalym QOJABEKOV
