Keşe Premer-ministr Asqar Mamin Nūr-Sūltan qalasynyŋ äkımı Altai Kölgınovpen bırge elordadaǧy №1 industrialdy park aumaǧynda salynyp jatqan ModeX moduldı üi qūrylysy zauytyna baryp, öndırıs oşaǧyn ıske qosty.
Moduldı üi qūrylysy Germaniia, Singapur, Qytai jäne basqa da elderde qoldanylatyn zamanaui ozyq tehnologiia. Būl tehnologiia tūrǧyn üidıŋ özındık qūny men salynu uaqytyn tiımdı azaituǧa mümkındık berıp, baspanany qazaqstandyqtarǧa qoljetımdı etedı. Mäselen, taza ärlengen 16 qabatty, bır kıreberısten tūratyn tūrǧyn üi ädette 12-18 ai salynatyn bolsa, būl tehnologiiamen nebary 4 aidyŋ ışınde salyp şyǧuǧa bolady. Mūndai nätijege moduldık bloktardyŋ – taza ärlengen daiyn bölmelerdıŋ arqasynda qol jetkızuge bolady. Iаǧni olar qūramaly bölşekter tärızdı bırtūtas bolyp jinaqtalady.
«Qūrylys sektory – Qazaqstan ekonomikasynyŋ eŋ serpındı damyp kele jatqan salasy. Onyŋ ösımı 11,5 paiyzdy qūraidy. Būl joba el halqy üşın tūrǧyn üidıŋ qoljetımdılıgın arttyryp qana qoimai, qūrylys industriiasynyŋ damuyna qarqyn beruge mümkındık tudyrady» dedı Premer-ministr.
Jobany BI Group holding jüzege asyryp jatyr. Zauyt 700-den astam jūmys ornyn qūryp, jylyna 405 myŋ şarşy metr tūrǧyn üi saluǧa qauqarly. Zauyttyŋ bırınşı kezegın osy jyldyŋ 1 jeltoqsanyna deiın, al ekınşı kezegın – 2020 jyly, üşınşı kezegın 2021 jyly paidalanuǧa beru josparlanǧan.
Nysandy aralau kezınde Ükımet basşysy keramzit beton men temır beton būiymdardan jasalǧan moduldı blok-bölmelerdı öndıru tehnologiiasymen, sonyŋ ışınde intellektualdy tūrǧyn üidıŋ 100-ge juyq funksiiasyn qamtityn «Aqyldy üi» opsiiasymen tanysty.
