Elorda äkımdıgınde qūrylys kompaniialarynyŋ ökılderımen nysandardy salyp bıtıru mäselelerıne arnalǧan keŋes öttı. Basqosuǧa qūrylys-jöndeu jūmystaryn baiau jürgızıp jatqan, qūrylysty aiaqtau kestesınen qalyp qoiǧan, tapsyrys beruşı men merdıger arasyndaǧy sot otyrystary jürıp jatqan jäne üi saluǧa qajettı qarajaty joq kompaniialar ökılderı qatysty.
Mysaly, «ERA», «Roz Tal» JŞS-nıŋ jäne taǧy basqalardyŋ jekemenşık nysandary osy sanatqa jatady. «Leia» tūrǧyn üi keşenınıŋ qūrylysy 2016 jyly bastalǧan. «Za rekoi» kompaniiasynyŋ basşylyǧyna jūmysty jandandyryp, nysan qūrylysyn biyl aiaqtau mındetteldı.
Elorda äkımı Altai Kölgınov qūrylysşylarǧa äkımdıktıŋ rūqsatyn alǧanǧa deiın nemese «Qazaqstan tūrǧyn üi kompaniiasy» AQ-nyŋ kepıldıgın alǧanǧa deiın üleskerlerdıŋ aqşasyn jinaityn bolsa, «qara tızımge» engızılıp, materialdar qūqyq qorǧau organdaryna berıletının eskerttı.
Sonymen qatar, qūrylys kompaniialary üi saluǧa rūqsat beretın qūjattardy alǧanǧa deiın qūrylys-jöndeu jūmystaryna kırsetın bolsa, lisenziiasynan airyluy mümkın. Alaiaq qūrylys jürgızuşılerdıŋ tızımı äkımdıktıŋ resmi saitynda jäne būqaralyq aqparat qūraldarynda tūraqty türde jariialanady.
