Memleket basşysy Qasym-Jomart Toqaev Astana qalasyn damytu mäselelerı jönınde keŋes ötkızıp, elordada rūqsat etılgen qūjaty joq 90-nan astam tūrǧyn üidıŋ qūrylysy jürıp jatqanyn synaǧan edı. Ocyǧan orai, Astana qalasynyŋ äkımdıgı monitoring jūmysyn jürgızıp, rūqsat qūjatynsyz qūrylysy jürıp jatqan 76 nysandy anyqtady.
Qala aumaǧynda rūqsat qūjaty joq 96 nysannyŋ qūrylysy jürgızılgen. Köppäterlı tūrǧyn üi keşenı nysandaryn öz betınşe salu mäselesı jönındegı jūmys toby zaŋsyz qūrylys salu faktılerın anyqtap qana qoimai, rūqsat qūjaty joq qūrylys saluşylarǧa jan-jaqty kömek körsetedı.
Osylaişa, 96 nysannyŋ 20-sy qūrylys jürgızuıne qajettı rūqsat qūjatyn tolyqtai aldy. Jūmys tobynyŋ qūramyna memlekettık organdardyŋ qyzmetkerlerı, qoǧamdyq ūiymdardyŋ, Qazaqstan Qūrylysşylar odaǧynyŋ jäne Qazaqstannyŋ qūrylys saluşylar qauymdastyǧynyŋ ökılderı kıredı.
Qazırgı uaqytta rūqsat qūjatynsyz qūrylysy jürıp jatqan 76 nysan anyqtaldy. Olardyŋ qatarynda: «Mars Project», «Aiz Kurylys», «Rusalding Line», «Bilding kompani», «Expert Consulting Agency Kazakhstan», «Tauekel İnjiniring», «Global Millennium», «Handan-Astana», «Oreol-Group» JŞS jäne t. b.
Rūqsat qūjatynsyz qūrylys jürgızetın subektılerdıŋ bärıne jūmysyn toqtatu turaly nūsqama berıledı ärı äkımşılık jauapkerşılıkke tartyldy. Sondai-aq tiıstı jer qūqyǧynsyz qūrylysy jürıp jatqan 20 nysan (76 nysannyŋ ışınde) boiynşa sot organdaryna demontajdau boiynşa talap aryzdar berıledı.
Köppäterlı tūrǧyn üi keşenderı qūrylysynyŋ jaŋa nysandary rūqsat qūjatynsyz jürıp jatqany anyqtalsa, būl nysandar öz betınşe salynyp jatqan qūrylys dep tanylyp, būzylady. Sondai-aq, qalada «Tūrǧyn üi qūrylysyna ülestık qatysu turaly» QR zaŋynyŋ talaptaryn saqtau boiynşa bırqatar tüitkıldı mäsele bar.
Qala tūrǧyndaryn aqparattandyru jäne zaŋnyŋ būzyluyna jol bermeu maqsatynda äkımdıktıŋ resmi resursynda jäne BAQ-ta üleskerlerdıŋ aqşasyn qabyldauǧa qūqyǧy joq qūrylys saluşylardyŋ «qara tızımı» jüielı türde jariialanyp tūrady.
Qūrylys kompaniialary üleskerlerdıŋ qarajatyn mynadai jaǧdailarda ǧana qabyldai alady:
1) tūrǧyn üi qūrylysynyŋ bıryŋǧai operatorynyŋ kepıldıgın alu;
2) ekınşı deŋgeilı banktıŋ jobasyna qatysu;
3) tūrǧyn üidıŋ (tūrǧyn ǧimarattyŋ) qaŋqasy salynǧannan keiın üleskerlerdıŋ aqşasyn tartu.
Eger qoldanystaǧy zaŋdy būza otyryp, sızben mämıle jasalǧan jaǧdaida, Astana qalasy, Beibıtşılık köşesı, 9, 324-kabinet mekenjaiynda ornalasqan «Astana qalasynyŋ Qalalyq orta sapasy jäne baqylau basqarmasy» MM uäkılettı organyna habarlasuyŋyzdy sūraimyz.
