Astana qalasynyŋ Äkımşılık soty köşı-qon salasyndaǧy zaŋnamany būzǧany üşın şeteldık 1 548 azamatty kınälı dep tanydy.
Astana qalasynyŋ mamandandyrylǧan audanaralyq äkımşılık sotynda 2016 jyldyŋ bırınşı toqsanynda şetel azamattarynyŋ Qazaqstan Respublikasynyŋ halyqtyŋ köşı-qon salasyndaǧy zaŋnamasyn būzǧany üşın 1548 azamatqa qatysty äkımşılık ıster qaraldy. Būlar – Resei Federasiiasy, Özbekstan, Qyrǧyzstan, Gruziia, Ukraina azamattary ekenı anyqtaldy.
Qazaq elı migrasiialyq prosester belsendı jüretın tranzittık memleket bolyp otyr. Äsırese, Orta Aziiadan myŋdaǧan adam jūmys tabu maqsatynda elımızge aǧylady. Körşı elderdegı saiasi ahual men azamattaryn jūmyspen qamtu mümkındıkterınıŋ şekteulılıgı de migranttardyŋ artuyna sebep. Olardyŋ arasynda zaŋnamany būzatyndar da barşylyq. Uäkılettı organdar zaŋdy qonyşynan basqandarǧa qatysty Äkımşılık qūqyq būzuşylyqtar turaly kodekstıŋ 517-baby boiynşa äkımşılık qūqyq būzuşylyq turaly hattamalar toltyrǧan.
Astana qalasynyŋ mamandandyrylǧan audanaralyq äkımşılık sotynyŋ qaulylarymen 1534 azamat äkımşılık qūqyq būzuşylyqty jasaǧany üşın kınälı dep tanyldy. 14 äkımşılık ıs toqtatylsa, 702 azamatqa äkımşılık aiyppūl salu, 180 azamatty qamaqqa alu jäne 651 azamatty Qazaqstan Respublikasynyŋ şeginen äkımşılık jolmen şyǧaryp jiberu türınde jaza taǧaiyndaldy.
Qymbat NŪRǦALİ